“PSJ” “Barselona” futbolchisi uchun 200 million yevro taklif qilmoqda 

“PSJ” “Barselona” futbolchisi Lamin Yamalni o‘z safiga qo‘shib olmoqchi.

Marca nashrining xabariga ko‘ra, Parij klubi kataloniyaliklar a’zosini Kilian Mbappega o‘rinbosar sifatida ko‘rmoqda. “PSJ” 16 yoshli futbolchi uchun 200 million yevro to‘lashga tayyor. Futbol tarixida faqatgina Neymarning “Barselona”dan “PSJ” safiga o‘tishi (222 million yevro) bundan qimmatroq transfer bo‘lgan.

Agent Jorje Mendesh “Barselona” prezidenti Xoan Laportaga Yamal uchun berilayotgan taklif haqida ma’lumot berdi. “Ko‘k-anorranglilar” rahbariyati fransuzlar Laminni kuzatayotganini biladi va uni sotmasligini ma’lum qilgan.

“Barselona” akademiyasida Lamin Lionel Messidan keyin yetishib chiqqan eng iqtidorli futbolchi hisoblanmoqda.

Yamal joriy mavsum La Ligada 27 ta o‘yin o‘tkazib, 4 ta gol va 3 ta golli uzatmaga mualliflik qildi.