Asadxo‘ja Mo‘ydinxo‘jayev hamda To‘rabek Habibullayev Parij—2024da ishtirok etish huquqini qo‘lga kiritdi

Italiyada boks bo‘yicha jahon litsenzion turniri bo‘lib o‘tdi.

Boks bo‘yicha jahon chempioni Asadxo‘ja Mo‘ydinxo‘jayev (-71 kg) musobaqaning hal qiluvchi bosqichida iordaniyalik Ziyad Ishaishni mag‘lub etib, Parij—2024 yozgi Olimpiya o‘yinlari yo‘llanmasiga ega bo‘ldi. 

Shuningdek, Xanchjou—2022 Osiyo o‘yinlari bronza medali sohibi To‘rabek Habibullayev (-80 kg) kolumbiyalik Xuan Ortisdan ustun kelib, 4 yillikning eng nufuzli musobaqasi ishtirokchilari qatoridan joy oldi. 

Avvalroq, Ruslanbek Abdullayev, Lazizbek Mullajonov hamda Sabina Boboqulovalar litsenzion turnirda Parij—2024 yo‘llanmasiga ega chiqqandi.