Afg‘onistonning Qandahor viloyatidagi qo‘poruvchilikda 19 nafar fuqaro halok bo‘ldi
Afg‘onistonning Qandahor viloyatida 21-mart kuni sodir etilgan portlashda 19 nafar mahalliy aholi vakillari halok bo‘ldi. Bu haqda Herat Times nashri xabar berdi.
Voqea haqida dastlab Etilaatroz nashri xabar bergan. Unda aytilishicha, viloyat markazidagi “New Kabul Bank” binosida portlash sodir bo‘lgan.
Portlash “Tolibon” idoralari xodimlari maoshlarini olish uchun bank ofisi atrofida to‘planib turganida yuz bergan. Hodisa oqibatida jarohatlangan 18 nafar fuqaro “Mirvays” kasalxonasiga olib ketilgan.
Mahalliy nashrlar portlash oqibatida dastlab 6 kishi halok bo‘lganini maʼlum qilgan. Yangilangan maʼlumotlarda esa qurbonlar soni 19 nafarga yetgani maʼlum qilingan. Rasmiylar bu raqamlar yana ko‘payishi mumkinligidan xavotir bildirgan.
Qandahordagi “Tolibon” xavfsizlik xizmati rasmiylari portlash sodir etilganini rasman tasdiqlagan va tergov boshlanganini maʼlum qilgan.
