Tadqiqotchilar Shimoliy Muz okeani orqali shimoli-g‘arbiy o‘tish yo‘lini qidirgan britaniyalik qutbchi Jon Franklinning ekspeditsiyasiga kirgan “Terror” kemasini topdi, deya xabar bermoqda “RIA Novosti”.
Britaniyalik dengiz ofitseri Jon Franklin rahbarligida “Erebus” va “Terror” kemalarida yo‘lga chiqib, g‘oyib bo‘lgan ekspeditsiya Atlantika okeanidan Arktika orqali Tinch okeaniga olib boradigan yo‘lni qidirib topishi kerak edi. Franklin va uning ekipaji — 128 dengizchi Britaniyadan 1845-yil mayida suzib chiqqan. Ular haqidagi so‘nggi yangiliklar o‘sha yilning avgustida olingan, ekspeditsiyaning keyingi taqdiri noma’lum.
Ekspeditsiyaning flagman kemasi — “Erebus”ning topilgani haqida 2014-yil sentabrida ma’lum qilingandi.
11-sentabr, yakshanba kuni Arctic Research Foundation tadqiqot tashkiloti mutaxassislari masofadan boshqariladigan kichik submarina yordamida Arktikadagi ko‘rfazlardan birida cho‘kib ketgan ikkinchi kemaga yetib bordi.
Izoh (0)