Muhtaram Prezidentimiz Shavkat Mirziyoyevning Andijon viloyati Xonobod shahriga qilgan tashrifi chog‘ida aholining yashash sharoitlarini tubdan yaxshilash, turmush darajasida sezilarli ijobiy o‘zgarishlarga erishish, zamonaviy turizm infratuzilmasini yaratish yuzasidan vazifalarni belgilab bergan edi. Iqtisodiy rivojlantirishga qaratilgan yo‘l-yo‘riq, topshiriqlarini ijrosini ta’minlash maqsadida boshqa korxona va tashkilotlar qatori “Andijon hududiy elektr tarmoqlari korxonasi” AJ tomonidan elektr tarmoqlarini boshqarishni takomillashtirish, energotizimni barqaror ishlashini ta’minlash, iqtisodiyot tarmoqlari va aholini elektr energiyasiga bo‘lgan ehtiyojini yanada to‘laroq qondirishga qaratilgan bir qator ishlarni bajarish bo‘yicha chora-tadbirlar amalga oshirilmoqda.
Ma’lumki, O‘zbekiston Respublikasi Prezidentining 2018-yil 23-oktabrda “Elektr energetikasi tarmog‘ini jadal rivojlantirish va moliyaviy barqarorligini ta’minlash chora tadbirlari to‘g‘risida”gi PQ-3981-sonli Qaroriga asosan Andijon viloyati bo‘ylab reja asosida elektr energiyasini hisobga olish va nazorat qilishning avtomalashtirilgan tizimi (ASKUE)ga ulash ishlari jadal olib borilmoqda.Xususan, joriy yilning dekabr oyidan boshlab Andijon viloyati Xonobod shahrida iste’molchilarga zamonaviy elektr hisoblagichlarni o‘rnatish ishlari boshlandi.
Ushbu elektr energiyasi iste’molini hisobga olish va nazorat qilishning avtomatlashtirilgan tizimini joriy etish loyihasini amalga oshirish natijasida shahar hududidagi hisob nuqtalariga jami 10 921 dona, jumlada, aholi iste’molchilariga 10 344 dona, ulgurji iste’molchilarga 577 dona elektr hisoblagichlar o‘rnatilish ta’minlanmoqda.
Xonobod shahri elektr energiyasi iste’molchilari 7 dona podstansiya va undan chiquvchi 38 dona 6-10 kV elektr uzatish tarmoqlari hamda 226 dona transformator punktlariga masofadan turib boshqarish qurilmasiga 210 dona konsentrator o‘rnatiladi, ushbu transformator punktlaridan iste’mol qilayotgan xonadonlar ESEP-10 dasturi orqali masofadan turib tarmoqqa ulanish imkoniyati yaratildi. Hisoblagichlarni o‘rnatish bilan bir vaqtda uning afzalliklari haqida tushuntirish ishlari olib borilmoqda.
Eslatib o‘tamiz, hisoblagichlar iste’molchilarga “Hududiy elektr tarmoqlari” AJ mablag‘lari hisobidan bepul o‘rnatilmoqda.Hurmatli iste’molchilar, agarda hisoblagichlar o‘rnatishda biror bir anglashilmovchilik kuzatilayotgan bo‘lsa, “Andijon hududiy elektr tarmoqlari korxonasi” AJning Call centre 11-54 qisqa raqami orqali bepul bog‘lanib o‘z murojatingizni yo‘llashingizni so‘raymiz.Aholi bilan to‘g‘ridan to‘g‘ri muloqotni yo‘lga qo‘yish, sohaga oid muammo taklif va shikoyatlarni o‘z vaqtida hal qilish, murojaatlar bilan ishlashning samarali tizimi faoliyatini ta’minlash, kelib tushgan murojaatlarni bartaraf etish maqsadida “Andijon hududiy elektr tarmoqlari korxonasi” AJda Call centre tashkil etildi.
Call centre yordamida jismoniy va yuridik shaxslarning qo‘ng‘iroqlari belgilangan tartibda qabul qilinib, murojaat yuzasidan malakali mutaxassislar tomonidan tegishli maslahatlar beriladi.
“Andijon hududiy elektr tarmoqlari korxonasi”AJ matbuot xizmati.
Reklama huquqi asosida.
Izoh (0)