Reaktiv dvigatel bilan jihozlangan noodatiy “pishloq parchasi” — Cheese-N-Ator yana bir bor sotuvga qo‘yildi. So‘nggi yillarda Cheese-N-Ator sezilarli darajada arzonlashmoqda: 2018-yili u 35 ming dollar narxida sotuvga qo‘yilgan bo‘lsa, 2019-yilda 24 ming dollarni, hozirda esa 16 ming dollarni tashkil etmoqda. Taqqoslash uchun, bu pulga yangi Kia Ceed xarid qilish mumkin, deb xabar beradi Motor.
Mazkur “pishloqli” kart 2016-yili Viskonsin shtatida istiqomat qiluvchi Diter Sturm ismli erkak tomonidan yaratilgan. U loyihaga investorlar yoki biror pishloq ishlab chiqaruvchi qiziqish bildiradi deb o‘ylagan, ammo bularning hech biri sodir bo‘lmadi. Shu sababli Cheese-N-Ator yana bir bor sotuvga qo‘yildi — navbatdagi e’lon Facebook Marketplace’da paydo bo‘ldi.
Cheese-N-Ator modifikatsiya romga ega bo‘lib, unga uchburchak pishloq shaklidagi yechiladigan kuzovga o‘rnatilgan. Ta’kidlanishicha, uning konstruksiyasi xavfsiz emas — yoqilg‘i baki bevosita haydovchi o‘rindig‘i oldida joylashgan, reaktiv dvigatel esa yupqa yog‘och bilan to‘silgan.
Shturm reaktiv uzatmadan aviatsion modellarni sinovdan o‘tkazishga foydalangan, biroq Cheese-N-Ator’ning dinamik tavsifi hayratlanarli emas: u xuddi maktab avtobusi kabi harakatlanadi — soatiga 50 kilometr.
Avvalroq Germaniyada noyob “parvoz qiluvchi” yuk mashinasi sotuvga qo‘yilgani to‘g‘risida xabar berilgandi.
Izoh (0)