Rafiqalariga qimmatbaho mashina sovg‘a qilgan Morgenshtern, Jigan va boshqa rossiyalik mashhurlar

So‘nggi vaqtlarda rossiyalik mashhurlar rafiqalari va suyuklilari uchun nafaqat yangi avtomobillar sovg‘a qilmoqda, balki muxlislariga bu haqda quvonch bilan maqtanishmoqda.

Timati (Timur Yunusov) — Mercedes-Benz G500 yo‘ltanlamasi va Ilon Mask pikapi

“Baqlajon” xitining ijrochisi qizi Elis tug‘ilgandan so‘ng model Alyona Shishkovaga hozirgacha foydalanayotgan oppoq yo‘ltanlamasni sovg‘a qilgan. Keyinchalik 2018-yilda Timati yangi sevgilisi Anastasiya Reshetovaga hashamatli qora Mercedes-Benz G500 4x4 sovg‘a qildi. Bunday mashinaning narxi 20 million rubldan boshlanadi.

2019-yilda model Ratmir ismli o‘g‘il farzandini dunyoga keltirdi. Boshi ko‘kka yetgan musiqachi u uchun oddiy avtomobil emas, balki Ilon Mask ishlab chiqarayotgan “kelajak mashinasi”ga to‘lov qildi. Ushbu pikapni uch yil kutishga to‘g‘ri kelgan bo‘lsa-da, mazkur sovg‘a Timur Yunusovga ancha arzonga tushdi — atigi 4,5 million rubl.

T-killah (Aleksandr Tarasov) — Porsche Cayenne

2019-yilda ijrochi sevimli rafiqasi — teleboshlovchi Mariya Belova uchun juda hashamatli syurpriz uyushtirgan. U ayoliga qora rangli Porsche Cayenne mashinasini sovg‘a qilgan. Bunday xorijiy mashinaning narxi 10 million rubldan boshlanadi. Mariya bunday sovg‘adan xursand bo‘lgan, albatta. Juftlik darhol ijtimoiy tarmoqlarda bu haqda ma’lum qilishgan.

Dmitriy Tarasov — Porsche Cayenne

Mashhur futbolchi Olga Buzova bilan ajrashgandan so‘ng unga sovg‘a qilgan oq Mercedes’ni qaytarib olgan. Ushbu qimmat mashinani yangi turmush o‘rtog‘i Anastasiya Kostenkoga sovg‘a qilgan. Biroq tez orada Dmitriy uni qurumsoqlikda ayblaganlarga munosib javob qaytardi. 2020-yilda ikkinchi qizi tug‘ilgandan so‘ng sportchi sevgilisiga oppoq Porsche Cayenne xarid qildi. Ushbu mashinaning narxi 5 million rubldan boshlanadi. O‘sha paytlarda alimentdan qarzi bo‘lgan Dmitriy bunday hashamatli sovg‘aga to‘rt yildan beri pul yig‘ib yurganini aytgan.

Morgenshtern (Alisher Valiyev) — Range Rover

2021-yilda reper sevgilisi Dilara Zinatullinaning tug‘ilgan kunini katta miqyosda nishonladi. Musiqachi unga hashamatli sovg‘alar berdi. Alisher sevgilisiga pul bilan to‘ldirilgan kumush seyf ham taqdim qilgan. Aytishlaricha, seyfdagi pullarning umumiy miqdori 5 million rubl bo‘lgan. Keyin u Dilaraga asosiy sovg‘a — katta qizil bant bilan bezatilgan qizil rangli premium avtomobil Range Rover’ni ko‘rsatdi. Bunday xorijiy mashinaning narxi 6-7 million rubl orasida.

Jigan (Denis Ustimenko) — Rolls-Royce Ghost II

Yuqoridagi saxiy erkaklarning barchasini model Oksana Samoylovaning eri ortda qoldirdi. Reper sevgilisiga Rossiyada birinchilardan bo‘lib hashamatli mijozlarga mo‘ljallangan Rolls-Royce Ghost II avtomobilini sotib olgan. Ular mashina okean ortidan yetkazib berilishini kutishlari kerak edi. Ammo sovg‘a shunga arzirdi. Rafiqasi xursandligidan darhol yangi mashinani “kulrang bo‘ron” deb nomladi. 30 millionlik avtomobil uchun bu juda oddiy nom bo‘lsa-da, shuni alohida qayd etish lozimki, Oksana bu sovg‘aga loyiq edi. Model hozirda to‘rt nafar farzandining tarbiyasi bilan shug‘ullanmoqda. 2020-yilda juftlik Jiganning xiyonati va uning noo‘rin xatti-harakatlari tufayli deyarli ajrashishgandi. Ammo Oksana uchta chiroyli qizi va o‘g‘li uchun bo‘lgan barcha ishlarga ko‘z yumishga qaror qildi.