Rafiqa sifatida o‘z muxlisini tanlagan taniqli kishilar haqida ma’lumot berib o‘tamiz.
Dmitriy Dyujev
Mashhur aktyor bo‘lajak rafiqasi Tatyana bilan Madonnaning konsertida tanishgan. Qiz aktyorni tanigan, ammo Dmitriyning o‘zi kelib tanishishini kutgan. Dyujev esa keyinroq Tatyanani bir ko‘rishda sevib qolganini ma’lum qilgan. Tatyana aktyorning muxlisi ekaniga qaramay, uning beqarorligi haqidagi mish-mishlar sabab munosabatlarining ertasi bo‘lishiga ishonmagan. Uning ko‘ngliga yo‘l topgan Dmitriy esa bir necha yildan keyin turmush qurishni taklif qilgan. Avvalroq to‘yining 12 yilligini nishonlagan juftlikning ikki nafar farzandi bor.
Basta
Kafeda o‘tirgan Bastaning oldiga kelgan Yelena uning ijodini muxlisi ekanini tan olgan. 2009-yilda turmush qurgan juftlik birinchi marta o‘g‘illi, keyinroq esa qiz farzandli bo‘lgan. Ijod qilishdan to‘xtamagan Basta uchun oilasi hamisha birinchi o‘rinda turadi.
Roman Bilik
“Zveri” guruhi a’zosi bo‘lajak rafiqasi Marina bilan o‘z konsertida tanishgan. Qiz o‘zini suratchi deb tanishtirib xonandaning pardoz xonasiga kirishga muvaffaq bo‘lgan. Roman esa uni bir ko‘rishda yoqtirib qolgan. Uchrashishni boshlagan juftlik 2004-yil yaqinlari davrasida turmush qurgan. Bugungi kunda ularning ikki nafar farzandi bor.
Igor Nikolayev
Yuliya Proskuryakova xonanda Igorning qo‘shiqlarini tinglab katta bo‘lgan va bir umr u bilan tanishishni orzu qilgan. 2005-yil Yekaterinburgdagi konsertdan chiqaverishda Igorni kutib turgan. Uni gapga tutgan, hatto qo‘shiq kuylab bergan. Nikolayev qizga telefon raqamini qoldirgan. Qiz esa yarim yil o‘tganidan keyin qo‘ng‘iroq qilishga qaror qilgan. 2010-yilda turmush qurgan juftlik oradan 5 yil o‘tib farzandli bo‘lgan.
Marat Basharov
2012-yilda Yelizaveta Shevirkova ijtimoiy tarmoqlarda kumiri Maratga tanishish istagini bildirib xabar yoza boshlagan. Bu vaqtda yuragi band bo‘lgan Basharov Yekaterina Arxarova bilan ajrashganidan keyingina Yelizavetani eslagan. 2016-yilda farzandli bo‘lgan juftlik bir yil o‘tib oila qurgan. Ammo ularning munosabati ham uzoqqa bormagan.
Izoh (0)