Hayratomuz maskanlar: Shahar shovqinidan qochib ketish istagini uyg’otuvchi so‘lim qishloqlar (foto)

So‘nggi vaqtlarda yashash uchun sokin qishloqlarga ketish megapolis aholisi uchun to‘g‘ri fikrga aylandi. Albatta, texnologiya asri yaxshi, lekin insonni charchatadi. Yaxshiyamki, Yer yuzida hali sayyohlar uchun havosi toza, taomlari tabiiy, go‘zal tabiati va mehribon aholiga ega taniqli maskanlar mavjud.

Zaanse-Sxans qishlog‘i, Niderlandiya

60-yillarda mamlakatning turli burchaklaridan ko‘chirilgan hududda atigi 30 ga yaqin uy bo‘lgan.

Qo‘y va sigirlar Zaanse-Sxans yaylovlarida o‘tlaydi. Yo‘llarda mahalliy aholi bemalol uylar orasida yuradi va velosipedda sayr qiladi.

Qishloq Amsterdamdan 15 kilometr uzoqlikda joylashgan. Zeriksangiz, poytaxt markaziga borishingiz mumkin.

Biburi qishlog‘i, Buyuk Britaniya

Bir necha asrlar oldin shoir va rassom Uilyam Morris bu joyni Britaniyaning eng go‘zal maskani deb atagan. Hozirgi kunda bu joy zamonaviy kino ijodkorlari uchun ilhom manbasi bo‘lib kelmoqda.

Yunavir qishlog‘i, Fransiya

Fransiyaning eng go‘zal provinsiyalaridan biri hisoblangan Yunavir qishlog‘i Reyn viloyatida joylashgan. U yerda atigi 600 kishi yashaydi.

Jegv qishlog‘i, Daniya

Jegv qishlog‘ida mahalliy aholi velosiped va qayiqlardan boshqa transportdan umuman foydalanmaydi. Shuningdek, 2006-yilgi so‘rovga ko‘ra, qishloq aholisi 49 kishini tashkil etgan.

Gitxorn qishlog‘i, Gollandiya

Gollandiyaning ushbu qishlog‘i yo‘llar yo‘qligi va faqat kanallar borligi bilan mashhur. Suv havzasi bog‘, ko‘cha, bino va turar joylarni o‘rab turadi. U yerdan biror joyga borish uchun, albatta, qayiqdan foydalanish kerak.

Pampaneyra qishlog‘i, Ispaniya

Ushbu qishloq 356 kishi aholiga ega va qo‘l mehnati yordamida tayyorlangan gilamlari bilan mashhur. Umuman olganda, bu joy yolg‘iz qolishni istaydigan va ispan madaniyati bilan tanishishga tayyor bo‘lganlarga yoqadi.

 

Sirakava-go-i-Gokayama qishlog‘i, Yaponiya

Uzoq vaqt davomida qishloqning mahalliy aholisi dunyodan yakkalanib yashagan, biroq buning natijasida o‘z madaniyatini saqlab qolgan. Shuningdek, o‘ziga xos arxitektura uslubini yaratishga muvaffaq bo‘lgan.