iPhone 14 lineykasi hali taqdim etilmagan bo‘lsa-da, Apple ishqibozlari yangi qurilmadan hozirdanoq hayratga tushishni boshladi. YouTube’dagi Unbox Therapy niki ostidagi bloger o‘zining kanalida Yaponiyada yasalgan iPhone 14 Pro Max maketini namoyish etdi.
Bir qarashda maket juda iPhone 13 Pro Max’ga o‘xshab ketadi. Yaxshilab e’tibor bilan qaralsagina, ikki avlod o‘rtasidagi farqni anglash mumkin.
Video muallifining ta’kidlashicha, yangi model biroz qalinroq ishlangan. Kameralar bloki esa sezilarli darajada bo‘rtib chiqqan, qurilmaning o‘zi esa biroz og‘ir. O‘chirib-yoqish va ovoz balandligini boshqarish tugmasi o‘zidan oldingi avlodnikidan kattaroq. Displey chetlari ingichka ko‘rinishda. Maketning yon chetlaridagi antenna chiziqlari ko‘zga tashlanmaydi.
“Monoqosh”dan zerikkanlar uchun ajoyib yangilik. Odatdagi qirqimdan voz kechilgan: uning o‘rniga model “hapdori + dirokol” ko‘rinishidagi qirqimga ega bo‘ladi.
USB-C razyomini esa yana kutishga to‘g‘ri keladi. Maketdan ko‘rish mumkinki, iPhone 14 lineykasi ham Lightning porti bilan jihozlanadi.
Avvalroq iPhone 14 lineykasidan o‘rin oladigan smartfonlarning taxminiy narxlari e’lon qilingani, Plus modellari qaytishi mumkinligi to‘g‘risida xabar berilgandi.
Izoh (0)