Kiyimlar bilan mos tushadigan sumka turlari obrazning yanada chiroyli bo‘lishini ta’minlaydi. Nafis, qulay sumkalar har bir ayolning garderobida bo‘lishi kerak. Wday nashri har bir ayolda bo‘lishi kerak bo‘lgan sumka modellari haqida ma’lumot berdi.
Har mavsumda dizaynerlar yangi, eng ajoyib va original sumkalarni chiqarishga harakat qilishadi. Eng yaxshi narsalarni sotib olamiz va oradan olti oy o‘tgach, ushbu “to‘plam”ni o‘ylab ko‘rib chiqamiz: u trenddami yoki yo‘qmi?
Bu muammoni hal qilish mumkin. Hech qachon modadan chiqib ketmaydigan sumkalarga sarmoya kiritish vaqti keldi. Quyida zamonaviy va chiroyli obraz yaratishni osonlashtiradigan beshta sumka modellari ro‘yxati keltiriladi.
Lady-like
Ayollarga xos va shu bilan birga juda jiddiy obraz yaratishingiz kerak bo‘lganda, A-silueti sumkasini tanlang. Ushbu model tekis paltolar, klassik kostyumlar, qalam-yubkalar va boshqa biznes uslubidagi atributlar bilan ideal tarzda mos tushadi. Shu bilan birga, sumka kokteyl-ko‘ylaklari va hatto jinsi shimlar bilan yaxshi obraz yaratadi. Bir so‘z bilan aytganda, bu turdagi sumka eng yaxshi tanlov bo‘la oladi.
Chelak shaklidagi sumkalar
Chelak shaklidagi sumkaning pastki qismi dumaloq, katta bo‘lmagan yelka remeni va qisqa tutqichi bo‘ladi. Yaqinda dizaynerlar siluetni soddalashtirdi: sumka tom ma’noda chelak shakliga keldi. To‘g‘ri, klassik versiya — tortilgan dantelda — hali ham aktual. Bu sumka casual va boho-shik kiyimlar: gulli ko‘ylaklar, denim, mini liboslar bilan yaxshi obrazni hosil qiladi.
Rang va o‘lchamga kelsak, hamma narsa o‘zingizga bog‘liq: pushti yoki binafsha rangli teridan tikilgan mayda sumkalar jigarrang yoki qora rangdagi sumkalardan chiroyli ko‘rinadi. Asosiysi, garderobingizning umumiy rang sxemasidan chetga chiqmasligingiz kerak.
Ryukzak
Urfdagi va zamonaviy ryukzaklar taqish uchun qulay. Undan turli kasb egalari foydalanishi mumkin. Uning o‘lchamiga qarab, hamma narsani ryukzakka, jumladan, kundalik, noutbuk yoki tunda almashtiriladigan poyabzallarni solish mumkin. Ryukzakni bayramlarda kiyiladigan libosdan tashqari hamma narsa bilan moslashtira olasiz, biroq bu yerda tajriba qilishdan qo‘rqmang.
Boks
Hozirda boks sumkalar urfga kirgan. Biroq siz faqat bu turdagi sumkalar bilan cheklanishingiz kerak degani emas. Chunki moda o‘zgaruvchan. Vaqtinchalik sumka sotib olmaslik uchun har doim foydalaniladigan urfda bo‘lgan sumkalarni tanlang. Teri va zamshdan bo‘lgan sumkalarning to‘rtburchak shaklidagi modellarini tanlagan ma’qul. Bu esa plastik korobka sumkalariga qaraganda ancha uzoqroq xizmat qiladi.
Bundan tashqari, bu modellarni har kuni taqishingiz mumkin. Sumkalar ish uchun komplektlar bilan ham, tasodifiy tanlangan casual ansambllar bilan ham mos keladi. Eng yaxshi variant — bir xil rangdagi yoki color block sumkalar.
Zanjirli sumkalar
Zanjirli sumkalar kechki bazmlardagi obrazga mos keladi. Yaltiroq zanjirli kichkina zamsh yoki charm sumka — maxsus marosim uchun obrazni to‘ldirishda kerak bo‘ladi. Biroq, amaliyot shuni ko‘rsatadiki, bunday modelni ofisga, uchrashuvga va do‘stlaringiz bilan uchrashuvda taqishingiz mumkin. Zamonaviy dekor va zanjirli sumkani minimalistik, hatto qat’iy komplektlar bilan taqqan ma’qul. Sumkaning kontrastlaridan foydalaning.
Mavzuga doir:
Izoh (0)