Afg‘onistonda “Tolibon” hukumati ayollarni Ichki ishlar vazirligining jamoat xavfsizligi bo‘linmalaridan biriga xizmatga qabul qilishni boshladi, deb yozadi “RIA Novosti”.
Vazirlik bayonotiga ko‘ra, ayni paytda 100 nafar ayol ushbu bo‘linmada xizmat qilish uchun tayyorgarlikdan o‘tmoqda. Toliblar ularning lavozim majburiyatlari bo‘yicha rasman izoh bergani yo‘q. Biroq ekspertlar fikricha, ulardan, katta ehtimol bilan, ayollar ishtirokidagi namoyishlarga qarshi kurashishda foydalaniladi.
Agentlik qo‘liga kelib tushgan videoda ayollar politsiya, odatda, namoyishlarni tarqatishda qo‘llaydigan qalqonlar va shlemlar taqib olganini ko‘rish mumkin.
Afg‘onistonda ayollar huquqlari kurashchisi bo‘lgan Muhadisa Amin aytishicha, “Tolibon” norozilik aksiyalarida ayollarga qarshi shafqatsizliklarga nisbatan jamoatchilik reaksiyasini tiymoqchi.
Ta’kidlanishicha, ayollar namoyishlarda xizmat qilib, unda ishtirok etayotgan ayollar bilan hamkorlik qiladi.
Afg‘onistonda ayollar tez-tez namoyish uyushtirib turadi. Xususan, avgust oyida shunday mitinglardan biri havoga o‘z uzish orqali tarqatib yuborilgan. O‘tgan yil sentabridagi ayollar aksiyasida esa ko‘zni yoshlantiruvchi gazdan foydalanilgan.
Ichki ishlar vazirligi yangi ishga olingan ayol politsiyachilardan tanishlari orasida sobiq IIV xodimalari bo‘lsa, ularni ham jalb qilishni so‘ramoqda. Bu shu bilan bog‘liqki, hokimiyat tepasiga “Tolibon” kelganidan keyin Afg‘oniston xavfsizlik organlaridagi ayol xodimlar soni keskin qisqarib ketgandi.
2022-yil yozida “Tolibon” ayollar xavfsizlik tuzilmalarida ishlash uchun qisman ruxsat berdi.
Ekspertlar fikricha, ulardan, katta ehtimol bilan, ayollar ishtirokidagi namoyishlarga qarshi kurashishda foydalaniladi
Izoh (0)