Sovuq mavsumda trikotaj kiyimlar garderobning asosi hisoblanadi. Ham issiq, ham qulay bo‘lgan trikotaj kiyimlar yaratilgan obrazga putur yetkazishi ham mumkin. Marie Claire buning 6 ta belgisini ma’lum qildi.
- kamroq g‘ijim bo‘ladi;
- osongina cho‘ziladi;
- erkin harakatlanish mumkin;
- qomatdagi kamchiliklarni yashiradi;
- tanani issiq tutadi.
Ammo ushbu sevimli kiyimlarning afzalliklaridan tashqari kamchiliklari ham mavjud. Shuning uchun obraz yaratishda trikotaj kiyimlarning barcha xususiyatlarini inobatga olish tavsiya etiladi.
Birinchi o‘rinda eskirgan trikotaj kiyimlardan voz kechish kerak. Sababi to‘qilgan matolarning eskirgani yaqqol ko‘zga tashlanadi yoki katishkalar hosil bo‘ladi. Ulardan voz kechish qiyin bo‘lishi mumkin. Ammo trikotaj o‘rnini bosuvchi boshqa kiyimlarni xarid qilish tavsiya etiladi.
Yupqa trikotaj kiyimlarni xarid qilish befoyda. Ulardan mukammal obraz yaratish deyarli mumkin emas. Chunki yupqa trikotaj qomatdagi barcha kamchilikni namoyon qiladi. Shuningdek, to‘ladan kelgan xonimlarni yanada semiz qilib ko‘rsatishi mumkin.
Bu kabi keng oversayz uslubidagi trikotaj sviterlar trendda. Ammo baribir ehtiyot bo‘lish kerak. Chunki unga mos shim yoki yubka topish va mukammal kombinatsiya hosil qilish juda qiyin ish. Aks holda obrazga putur yetishi tayin.
Yangi, qolaversa urfdagi trikotaj kiyimlarining yelkalari cho‘zilib ketdimi? U juda tez vaqt ichida avvalgi ko‘rinishini yo‘qotdimi? Demak, uni tozalash ham quritishda xatolarga yo‘l qo‘yilgan. Bu esa uning muddatidan oldin eskirishiga olib keladi.
Noodatiy bichimdagi trikotaj kiyimlari ham qanchalar chiroyli yoki urfda bo‘lmasin, u bilan obraz yaratish qiyin. Buning uchun bichimga mos libos uyg‘unlashishi kerak. Aks holda bachkana obraz paydo bo‘lishi ham mumkin.
Izoh (0)