Marie Claire nashri Kembrij va Sasseks gersoginyalari misolidan foydalanib, mukammal garderobni qanday tashkil etish kerakligini aniqladi.
Gersoginyalar Keyt va Megan odamlarda yaxshi taassurot qoldirish uchun qanday kiyinishni biladi. Ularning garderobiga ajoyib kechki liboslar, mukammal tikilgan kostyumlar va chiroyli kundalik kiyimlar kiradi. Shuningdek, ko‘plab ayollar garderobga ko‘p mablag‘ sarflamasdan, ulardan o‘rnak olishga va o‘z tajribalarini hayotlarida qo‘llashga muvaffaq bo‘lishi ham mumkin.
Cheksiz klassikaga sodiq qoling
Qoidaga ko‘ra, Keyt va Megan kundalik sayrlar uchun klassik kombinatsiyalarni tanlaydi. Agar Keyt yoki Megan kabi kiyinishni istasangiz, har xil usullarda kiyinish asosini tashkil eta oladigan abadiy klassikalarni tanlang. Ajoyib djinsi shim, oq ko‘ylak, o‘rta poshnali tuflilar haqida o‘ylab ko‘ring. Bular shohona uslubdagi garderobni yaratish uchun foydalanish mumkin bo‘lgan asosiy narsalardir.
Ajoyib ranglarni tanlang
Kembrij, Sasseks va Vindzor sulolasining boshqa vakillari ko‘pincha monoxromatik ansambllarni afzal ko‘radi. Qirollik ayollari ko‘pincha naqshlardan qochadi va ajoyib ranglarga tayanadi. Stilist ularga shunday maslahat beradi: “Chuqur o‘yilgan yoqa yoki juda xavfli bichimlardan saqlaning va alohida, yaxshi moslashtirilgan rangli qismlarini tanlang”.
Liboslar qomatingizga mos kelsin
Keyt ham, Meghan ham klassik kostyumlar yoki rasmiy uslubdagi ko‘ylaklar bo‘ladimi, qomatni ta’kidlab turgan liboslarni yaxshi ko‘radi. Albatta, har qanday libos uning egasi uchungina tikilishi kerak. Shuning uchun agar ular ommaviy ishlab chiqaruvchi tomonidan tikilgan bo‘lsa ham, o‘lchovlar bo‘yicha xarid qilishni unutmang. Bu obraz yaratishda juda muhim rol o‘ynaydi.
Miqdordan ko‘ra sifatni afzal ko‘ring
Garderobni juda ko‘p sifatsiz narsalar bilan to‘ldirishdan ko‘ra, bir nechta sifatli kiyimlar o‘rin olgani ma’qul. Xarid qilishda sifat miqdordan ko‘ra muhimroqdir, bu barqaror iste’mol uchun ham ahamiyatli. Keyt va Megan bir xil kiyimni bir necha marta kiyishdan hech qachon uyalmaydi, chunki ular obrazni turli xil detal, poyabzal va sumkalar bilan to‘ldiradi.
Ishonchingizni oshiring
Keyt va Megan nihoyatda o‘ziga ishongan ayollar va ularning dadil obrazlari buning dalilidir. Megan va Keytning asosiy uslubi — bu ichki ishonch ustida ishlash. Ikkala ayol ham o‘ziga xos nafislik va o‘zini tutish qobiliyatini namoyish etadi, bu ularning ichki ishonchini ifodalaydi.
Izoh (0)