Yosh ko‘rinishni saqlab qolish uchun odamlar har kuni ko‘plab kosmetikadan foydalanadi. Ammo ba’zida go‘zallik bilan barchani hayratda qoldirish uchun biror narsani sarflash kerak emas. Bundan tashqari, ba’zi mahsulotlarni har kuni ishlatish tavsiya etilmaydi. AdMe nashri ko‘rinishga zarar bermaslik uchun qanday kosmetikadan kamroq foydalanish kerakligini ma’lum qildi.
Lab uchun balzam
Dermatologlarning ta’kidlashicha, balzamdan har soatda yoki undan ko‘p foydalanish tobelikka olib kelishi mumkin. Vosita tez-tez qo‘llanilganda, lablar terisi o‘z-o‘zidan kerakli namlik darajasini saqlab qolishni to‘xtatadi va sun’iy ravishda saqlanishga o‘rganib qoladi.
Mutaxassislar kerak bo‘lgandagina kosmetik balzamdan foydalanishni tavsiya qiladi. Agar shunchaki quruqlik paydo bo‘lsa, darhol uning yordamiga murojaat qilishga shoshilmaslik lozim. Teri o‘z-o‘zidan namlikni yengishga qodir. Agar lablar yorilgan bo‘lsa, mahsulotni ertalab, ovqatdan keyin va yotishdan oldin qo‘llash mumkin.
Soch uchun yog‘
Sochni yog‘lash uning rangi va tuzilishini yaxshilaydi. Ammo jarayon to‘g‘ri bajarilgan bo‘lsa. Mahsulotni haddan tashqari ko‘p qo‘llash bosh terisini juda yog‘li qiladi, qazg‘oq muammosini kuchaytiradi va oxir-oqibat soch to‘kilishiga olib keladi. Mutaxassislar haftasiga 1-2 marta yog‘ ishlatishni va uni 1-2 soatdan ko‘p bo‘lmagan holda qo‘llashni tavsiya qiladi.
Yuz uchun niqob
Yuz niqoblari tarkibidagi faol moddalar haftada bir necha marta ishlatilsagina, samarali beradi. Kundalik foydalanilganda, bu mahsulotlar terida qizarish xususiyatini keltirib chiqarishi mumkin. Shuning uchun niqobni haftasiga ko‘pi bilan 3 marta qo‘llash tavsiya etiladi.
Tush
Tush, ayniqsa, suv o‘tkazmaydigan tushni har kuni surtish kipriklarni zaiflashtiradi, ularning to‘kilishiga olib keladi. Shuning uchun bu vositani har 2 kunda ishlatish kerak. Agar suv o‘tkazmaydigan mahsulotdan foydalansangiz, kipriklarni quritmaslik uchun uni oddiy tush qatlamiga surtish lozim.
Retinol mahsulotlari
Retinol ko‘pincha kremlar va sivorotkalarga qo‘shiladi. Chunki bu komponent bir qator muammolarni hal qiladi. Ammo kundalik foydalanish bilan retinol qizarish xususiyatini keltirib chiqaradi, foydadan ko‘ra ko‘proq zarar yetkazishi mumkin. Mutaxassislar ushbu komponentli mahsulotlarni haftasiga 2-3 marta qo‘llashni tavsiya qiladi.
Quruq shampun
Quruq shampun ortiqcha yog‘ni yo‘qotadi. Shuning uchun undan kundalik foydalanish sochlarni quritishi mumkin. Bundan tashqari, follikulalarni yopib qo‘yadi, shu bilan soch to‘kilishi va bosh terisida yallig‘lanishga olib keladi. Biroq quruq shampundan butunlay voz kechish mumkin emas. U faqat kir sochlarni toza ko‘rinishga keltiradi. Mutaxassislar uni ketma-ket 2 kundan ortiq qo‘llashni tavsiya etmaydi. Quruq shampunni haftasiga 1-2 marta ishlatish mumkin.
Ten
Ten yuz terisiga qo‘llanadigan boshqa dekorativ kosmetika kabi ajinlarning erta paydo bo‘lishiga yordam beradi. Buning oldini olish uchun ularni har kuni ishlatmaslik lozim. Umuman olganda, har 2 kunda undan foydalanish va muntazam ravishda ushbu qoidaga amal qilish tavsiya etiladi. Bu vaqt terining dam olishi uchun yetarli va keyin yana kosmetikadan foydalanish mumkin.
Soch konditsioneri
Albatta, bu vosita sochlarga foydali ta’sir ko‘rsatadi. Ammo har kuni konditsionerni sochlarda 15-40 daqiqaga qoldirish natijasida sochlar tezda yog‘lanadi va kir ko‘rinishga keladi. Bunday protseduraga murojaat qilishni mutaxassislar haftada bir marta tavsiya qiladi.
Patchlar
Patchlar kundalik foydalanish uchun mo‘ljallanmagan, chunki ular har tomonlama namlovchi, silliq yoki yumshatuvchi vosita emas. Ularning asosiy vazifasi ko‘z ostidagi shishni bartaraf etishdir. Shuning uchun, shoshilinch zarurat tug‘ilganda va faqat ertalab patchlardan foydalan mumkin.
Mitselyar suv
Mitselyar suv bilan har kuni makiyajni tozalash terini quritadi va erta ajinlar paydo bo‘lishiga olib keladi. Shuning uchun ushbu vositadan faqat o‘ta zarur bo‘lganda, kosmetikani boshqa usullar bilan tozalash uchun vaqt yo‘q bo‘lganda foydalanish mumkin.
Izoh (0)