Ko‘z ostida qora dog‘larning hosil bo‘lishi faqat uyqusizlik, charchoq va yosh bilan bog‘liq emas. Qora dog‘larning turli sabablari bor. Yaxshiki, bu sabablarning ko‘pchiligini osongina yo‘q qilish orqali ko‘z ostidagi qora dog‘lardan xalos bo‘lishning iloji bor, deb yozadi “Noviy ochag“ nashri.
Yonboshlagan holda yoki qorin bilan uxlash
Yetarlicha uxlasangiz ham, ertalab ko‘zguda “notanish panda”ni ko‘ryapsiz. Bunga sabab nima? Noto‘g‘ri holatda yonbosh yoki qorin bilan uxlash. Chalqancha uxlashni o‘rganing. Ertalab yuzingiz shishib ketgandek ko‘rinsa, ko‘zlaringiz atrofida chiziqlar paydo bo‘lsa, boshingizni baland ko‘tarib turishi uchun katta yostiq sotib oling.
Ultrabinafsha nurdan zararlanish
Agar ultrabinafsha nurlaridan himoyalanmagan holda ko‘chaga chiqishga odatlangan bo‘lsangiz, kun kelib ko‘zlar pastida qora dog‘lar paydo bo‘lishini kuting. Bu yerda oddiy pigmentatsiya ishini bajaradi, boshqa hech narsa.
Tuz yoki kofeinni ko‘p isteʼmol qilish
Tushlik paytidagi juda sho‘r taomlar ertalab uyg‘onganda ko‘zlaringiz ostida sezilarli qora qopchalar paydo qiladi. Chunki buyraklar tun bo‘yi favqulodda holat rejimda ishlagan bo‘ladi. Xuddi shu taʼsir kofeinning kuchli dozalarini isteʼmol qilishganda seziladi.
To‘g‘ri tanlanmagan kosmetika
Ha, ha, albatta, kosmetika yuzdagi kamchiliklarni yopib ko‘rsatishi kerak, faqat u to‘g‘ri tanlangan bo‘lsagina foydali. Pardozlash sumkasidagi biron bir mahsulot sizga mos kelmasa, terida tirnalish xususiyati va hatto, qorayishi sezilishi mumkin. Bundan tashqari, qora dog‘lar nafaqat sizga mos kelmaydigan teri mahsulotlaridan, balki sifatsiz tush yoki ko‘z qalamidan ham paydo bo‘lish ehtimoli yo‘q emas.
Ko‘zni ko‘p ishqalash odati
Ko‘zlarni qanchalik tez-tez ishqalasangiz yoki qichisangiz, qora dog‘lar paydo bo‘lish xavfi shunchalik yuqori bo‘ladi. Biror sababga ko‘ra ko‘z atrofida qichishish va tirnalish xususiyatini his qilsangiz, iloji boricha tezroq shifokorga murojaat qiling, balki, ko‘z infeksiyalaridan birining belgisidir.
Kompyuterda uzluksiz ishlash
Kompyuter qarshisida ko‘p vaqt o‘tirishga to‘g‘ri kelsa, bu ko‘z atrofida joylashgan qon tomirlar yukini ko‘paytiradi, natijada ular kengayadi. Shu bois ularning yonidagi teri quyuqroq rangda ko‘rinadi. Bunga yo‘l qo‘ymaslik uchun imkon qadar tez-tez kichik tanaffuslar qiling: kamida yarim daqiqa. Ko‘zlaringizga dam olish va tiklanish imkoniyatini bering.
Suyuqlikni ushlab turish
Ko‘zlar ostida qora dog‘lar paydo bo‘lishining eng keng tarqalgan sababi tanadagi suyuqlikning normal aylanishining buzilishidir. Bunga gormonlar bilan bog‘liq muammolar, muntazam sho‘r taomlar isteʼmoli, buyrak, qalqonsimon bez, yurak faoliyatining buzilishi, hatto, ob-havoning o‘zgarishi ham sabab bo‘lishi mumkin (masalan, nam issiqlik ko‘z ostida qora dog‘lar paydo bo‘lishi uchun juda qulay sharoit).
Allergiya
Ko‘z ostidagi qora doiralarning yana bir sababi — umumiy allergiya. Birinchidan, bemorlar ko‘pincha qichishish yoki quruqlikdan xalos bo‘lish uchun ko‘zlarini ishqalaydilar, ikkinchidan, allergiya xuruji paytida organizm ko‘p miqdorda gistaminlar ishlab chiqaradi, bu qon tomirlarni, jumladan ko‘z ostida joylashgan mayda kapillyarlarni kengaytiradi.
Mavzuga doir:
Izoh (0)