17-fevral kuni mashhur basketbolchi Maykl Jordan 60 yoshga to‘ldi. U muxlislariga nafaqat yuzlab qiziqarli o‘yinlarni, balki hamma biladigan Air Jordan krossovkalarini ham taqdim etdi.
Maykl vs Nike
1980-yillarning o‘rtalarida Nike basketbolchilar orasida deyarli mashhur emasdi - bu segmentda Converse va Adidas yetakchi edi. Shuning uchun brend tavakkal qilishga qaror qildi va istiqbolli yosh sportchi Maykl Jordanga shartnoma taklif qildi. U Chikago Bullz bilan endigina shug‘ullanayotgan bo‘lsa-da, allaqachon sportning muhim figurasiga aylangandi. Nike basketbolchidan zudlik bilan 5 yillik shartnoma imzolashni so‘raydi — gonorar miqdori juda katta edi. Ammo hatto pul ham Mayklni o‘ziga og‘dira olmaydi — u boshqa brendlar bilan hamkorlik qilishni xohladi! Mish-mishlarga ko‘ra, Nike agentlari bo‘lajak yulduzni ishontirish uchun uning ota-onasi bilan ham gaplashgan. Muzokaralar keskin va uzoq davom etadi, ammo yakunda Jordan rozi bo‘ladi. O‘shanda u o‘ziga xos krossovkalarning uzoq tarixi aynan shu daqiqada boshlanishini anglamagan edi.
Barcha qoidalarga qarshi
Nike dizayneri Piter Mur krossovka eskizini Mayklga ko‘rsatganida, u hayajonlanmaydi. Birinchi Air Jordans qora va oq rangda qizil hoshiyalar bilan bezatilgan. Bunday palitra Jordanga "iblisona" bo‘lib tuyuladi, ammo u shunga qaramay shartnomaga rozi bo‘ladi. To‘g‘ri, Milliy basketbol assotsiatsiyasi bunga qarshi edi. NBA qoidalariga ko‘ra, barcha sportchilar 51% oq yoki qora poyabzal kiyishgan. Jordan esa har safar o‘zining Air Jordans imzosi bilan maydonga tushganida katta jarima to‘lashi kerak edi. Nike bu xarajatlarni qoplashga rozi bo‘ladi. Bunday shov-shuv tufayli brend o‘z daromadini 5 barobarga oshiradi.
Qora mushuk
Mayklning karyerasi tez rivojlandi va deyarli har yili yangi “jordan”lar paydo bo‘ldi. Uchinchi avlod krossovkalaridan boshlab, basketbolchining o‘zi ularni yaratishda ishtirok etdi. Ba'zi modellar chinakam nostaljik bo‘lib chiqdi. Misol uchun, ko‘k krossovkalar universitetga bag‘ishlangan bo‘lsa, boshqalari Mayklning taxallusi — Qora mushukni nazarda tutgan. 1992-yilda Nike brend tarixida birinchi marta basketbol poyabzalidagi o‘z logotipidan voz kechishga qaror qildi — klassik “galochka” Jumpman siluetiga almashtirildi.
Hozirda ham aktual
Bugungi kunda 20 dan ortiq Air Jordan modellari mavjud. Endi ularni nafaqat ushbu poyabzallarning elchisiga aylangan sportchilar, balki ko‘plab mashhurlar ham kiyishadi.
Izoh (0)