Millioner Richard Sent-Jon 500 dan ortiq muvaffaqiyatli odamlar, jumladan, Bill Geyts, Opra Uinfri, Richard Brenson, Joan Rouling bilan suhbatlashdi, boshqa yuzlab tarjimayi hol va xotiralarni tahlil qildi va “Katta sakkizlik” kitobini yozdi. Unda barcha muvaffaqiyatli odamlar nima bilan shug‘ullangani va ularni nima birlashtirgani haqida so‘z boradi.
Muvaffaqiyatli odamlar ehtirosga ergashadi
Barcha muvaffaqiyatli odamlar o‘zlarining ehtiroslariga ergashadilar, o‘zlari sevgan narsalarini qilishadi. Mashhur aktyor Rassel Krou har doim “Eng yaxshi erkak roli” yo‘nalishida “Oskar”ni qo‘lga kiritishining bir sababi borligini aytadi: “Men shunchaki aktyorlikni yaxshi ko‘raman. Bu meni to‘ldiradi. Men uni ehtiros bilan sevaman. Bu hayotimning ma’nosi”. Mashhur ixtirochi Tomas Edison shunday degan edi: “Men umrimda bir kun ham ishlaganim yo‘q. Men shunchaki ishimdan zavq oldim”.
Muvaffaqiyatli odamlar qattiq mehnat qiladi
8 soatlik ish haftasi haqidagi ertaklarni va turli biznes murabbiylari aytadigan boshqa bema’ni narsalarni unuting. Qattiq mehnat — ajoyib ekvalayzer. Muvaffaqiyatga erishish uchun ko‘p harakat qilishingiz kerak. Masalan, taniqli teleboshlovchi Opra Uinfri suratga olish maydonchasiga ertalab soat 05:30 da yetib kelganini aytadi: “Ertalabdan tik oyoqda edim. Kun bo‘yi yorug‘likni ko‘rmayman, chunki pavilyondan pavilyonga o‘taman. Agar muvaffaqiyatga erishmoqchi bo‘lsangiz, kuniga 16 soat ishlashingiz kerak”.
Muvaffaqiyatli odamlar pul ortidan quvmaydi
Ko‘pchilik mashhur odamlar hech qachon pul ketidan quvmagan, shunchaki o‘zlari yoqtirgan narsani qilishgan. Misol uchun, Bill Geyts shunday deydi: “Microsoft kompaniyasini o‘ylab topganimizda, pul ishlashimiz mumkinligini o‘ylamagan edik. Bizga dasturiy ta’minot yaratish jarayoni yoqardi. Bularning barchasi natijasida yirik korporatsiya paydo bo‘ladi, deb hech kim o‘ylamagandi”.
Muvaffaqiyatli odamlar o‘zini yengishga qodir
Menejment “otasi” Piter Druker har doim muvaffaqiyat kaliti “o‘zingizni harakat qilishga majburlash” ekanini aytadi. “Muvaffaqiyatingiz iste’dodga bog‘liq emas, balki konfort zonangizdan qanday chiqishni bilishingizga bog‘liq”, deydi Piter. Richard Brenson esa buni shunday ta’kidlaydi: “Men har doim o‘zimni ko‘p ishlashga majbur qilaman. Va bu menga juda tez o‘sishimga yordam beradi”.
Muvaffaqiyatli odamlar ijodkor bo‘ladi
Mashhur “mahsulotlar” g‘oyalardan kelib chiqadi. Agar muvaffaqiyatga erishmoqchi bo‘lsangiz, qanday qilib ijodkor bo‘lishni o‘rganishingiz kerak. Ted Tyorner birinchi bo‘lib yangiliklar translyatsiyasi kecha-yu kunduz amalga oshirilishi mumkin deb o‘ylagan. U 24/7 efirga uzatiladigan CNN24 ni ishga tushiradi. Ushbu g‘oya tufayli Ted multimillioner va mediamagnatga aylandi.
Muvaffaqiyatli odamlar shubhalar bilan qanday kurashishni biladi
Ko‘pchilik o‘zini yetarlicha yaxshi, muvaffaqiyatli, qobiliyatli emasligidan shubhalanadi. Ammo muvaffaqiyatga erishmoqchi bo‘lsangiz, aniqrog‘i, shubhalaringiz haqida unuting. Aktrisa Nikol Kidman shunday deydi: “Men har doim aktyorlik mahoratimni juda past baholayman. Film suratga olishni boshlaganimizda, har ikki haftada rejissorning oldiga rolni mendan yaxshiroq bajara oladigan aktrisalar ro‘yxatini olib boraman. Ammo keyin tinchlanaman. Yoki shubhalar sizni yengadi, yoki ularni siz. Hammasi oddiy”.
Muvaffaqiyatli odamlar diqqatni jamlay oladi
Ko‘pchilik hozir diqqat yetishmasligi haqida gapiradi va go‘yo bu odamlarning rivojlanishiga to‘sqinlik qiladi. Albatta, u mavjud, lekin ko‘pincha motivatsiya va qiziqishning yetishmasligi bilan aralashib ketadi. Agar inson o‘z ishtiyoqini topsa, diqqatini unga qaratishi mumkin. Mashhur kinorejissor Norman Jevison shunday deydi: “Menimcha, hayotdagi hamma narsa diqqatingizni bir narsaga qaratish va o‘zingizni unga bag‘ishlash qobiliyatingizga bog‘liq”.
Muvaffaqiyatli odamlar qat'iy va tig‘iz ish vaqtlarida ham ishlay oladi
O‘z ishini yaxshi ko‘radigan odamlar bu ish uchun oz vaqtlari qolganidan uyalmaydilar. Ular buni amalga oshirish uchun kamida bir necha daqiqa vaqt ajratishga harakat qilishadi. Masalan, Joan Rouling “Garri Potter”ni kichkina qizi qo‘lida bo‘lganida yozgan: “Men u bilan ko‘chada yurardim, u uxlab qolganida eng yaqin kafega o‘qdek yugurib kirardim va uyg‘onmasidan avval iloji boricha tezroq yozardim”.
Muvaffaqiyatli odamlar doimo rivojlanishga intiladi
Muvaffaqiyatli odamlar doimo o‘zlarini va mahsulotlarini qanday yaxshilashlari haqida o‘ylashadi. Misol uchun, buyuk ixtirochi Tomas Edison shunday degan edi: “Men obyektga uni qanday yaxshilash mumkinligi haqida o‘ylamasdan qaramayman. Men yoshligimda sakkiz soatlik ish kuni ixtiro qilinmaganidan xursandman. Agar hayotim shunday davomiy ish kunlaridan iborat bo‘lsa, boshlagan ishlarimning ko‘pini oxiriga yetkaza olmasdim”
Izoh (0)