Bahor keldi, shunday ekan garderobingizdagi zamonaviy palto va trenchlarni olish, qishki atirlarni esa yengilroq va yoqimli iforlisi bilan almashtirish kerak. Bahorda gullar, tozalik, bahoriy kayfiyatga mos iforli atirlarni tanlagan ma’qul. The Voice nashri eng yaxshi bahoriy atirlar haqida ma’lumot berdi.
Splendida Magnolia Sensuel, Bvlgari — xushbo‘y gullar ifori
Bu tom ma’noda bahor, go‘zallik, tabiatning yangilanishi va ayollikni tarannum etuvchi iforlarga ega atir hisoblanadi. Maftunkor kompozitsiya magnoliya, apelsin guli va jasmin iforini o‘zida mujassamlashtiradi, akkordi esa eng nozik daqiqalarni eslatadi.
№ 9, Press Gurwitz Parfumerie – sitrus mevalar va sandal daraxti hidi
Sitrus mevalar, sandal va sadr — ish kuni uchun ajoyib kombinatsiya. Atir, shubhasiz, quvnoq va bahoriy iforga ega, ammo yoqimli notalar unga qat’iylik beradi, bu ishingizga ham yaxshi ta’sir ko‘rsatadi. Atir atrofingizdagi boshqa insonlarga xalaqit bermaydi.
Rosa&Almond, Giardino Magico — nafis ifor
Magico atiri nafis va muloyim iforga ega. Ushbu parametr shirin hid va tozalik o‘rtasidagi muvozanatni qidirayotgan ayollarga yoqadi. Atirdan atirgul va bodomning yorqin ifori keladi, shuning uchun hid bir vaqtning o‘zida ham ipak, ham baxmaldek yangraydi – shunchaki sinab ko‘ring va bahoriy kayfiyatni yanada yaxshi his eting.
Pink Pepper, Elemi, Cinnamon, Leather, Zielinski va Rozen — o‘zgacha iforga ega bo‘lgan atir
Isroil brendining yangi atiri Erez Rozenning Yevropadagi sayohatiga bag‘ishlangan. Kompozitsiyasi juda zamonaviy, dinamik va qulay iforga ega. Bu o‘zgacha ifor yangilikni sinab ko‘rishni yaxshi ko‘radigan ayollar uchun yaxshi variant bo‘la oladi.
Vesper Glitz, Ex Nihilo — baxt ifori
Kompozitsiyaning markazida xushbo‘y mimoza bor, shuningdek, atir jasmin, mandarin va neroli iforlarini ham o‘z ichiga oladi. Xushbo‘y hid insonni zavqlantiradi, ushbu atirning ifori atrofdagilarga ham yoqadi.
E-Motion, Darling — yoqimli tropik ifor
Yorqin parfyumeriya kompozitsiyasi bir zumda tropik iforni his etishingizga yordam beradi va qish fasli va charchoqdan keyin ko‘ngilni ko‘taruvchi atir sizga yaxshi kayfiyat bag‘ishlaydi. Anjir, rom, ba’zi daraxtlarning ifori, pachuli — bularning barchasi birlashib yoqimli iforni hosil qiladi.
Talco, New Notes — tozalik ifori
Pudra, atirgul va iris, bularni aralashtirib bo‘lmaydi, biroq Talco atiri shu iforlarni o‘zida ajoyib ravishda mujassamlashtiradi. Brend vakillarining ta’kidlashicha, atirdan chaqaloqlarning yoqimli ifori keladi, xushbo‘y hid mutlaqo neytral — unda vakuumdagi tozalikning ifori bor. Bu shunchaki pudra va talkning ajoyib aralashmasi va har bir kun uchun ideal ifor.
Vanile Eau de Parfum, Place des Lices — bahorning shirin ifori
Sitrus meva va qulupnayli kompozitsiyada ushbu komponentlarning barchasi mavjud, biroq ularning uyg‘unligi iforni alohida his etishga imkon bermaydi. Ushbu xushbo‘y atir yoz uchun ham yaxshi tanlov bo‘la oladi.
Jasmine-Immortel-Neroli, L’Occitane
Tanqidchilar gurman xushbo‘y hidlarni xohlagancha qoralashi mumkin, biroq biz ularni hali ham yaxshi ko‘ramiz. Biz ham sizni boshqalarning fikri bilan o‘z didingizdan voz kechmaslikka chaqiramiz, chunki xushbo‘y hid birinchi navbatda sizga yoqishi kerak. Agar yangi pishgan shirinliklarning hidini yaxshi ko‘rsangiz, ushbu atir albatta sizga mos keladi. Bundan tashqari, atirdan gurman neroli, asalning yoqimli ifori kelib turadi.
Heretic Gardenia, hayot daraxti — xushbo‘y ifor
Kompozitsiya apelsin guli, gardiya, oq pion va muskat yong‘og‘ining iforidan tashkil topgan va eng yaxshi tomoni shundaki, xushbo‘y hid, o‘zining murakkabligiga qaramay, hammaning didiga mos keladi, har bir kishi unda o‘ziga xos hidni his etadi.
Izoh (0)