Twitter foydalanuvchi tomonidan yaratilgan kontentni monetizatsiya qilish dasturini joriy qilmoqda. Bu haqda ijtimoiy tarmoq egasi Ilon Mask xabar berdi.
Endi siz obunachilar uchun har qanday materialni pullik qilishingiz mumkin — uzun matnlardan tortib videolargacha, buning uchun tegishli sozlamalarni tanlashingiz kerak, — deb yozadi tadbirkor.
Tadbirkorning so‘zlariga ko‘ra, Twitter bu uchun hech qanday mablag‘ olmaydi. Dasturning dastlabki 12 oyi davomida foydalanuvchilar ishlab topgan mablag‘dan faqat to‘lov tizimlari komissiyasi undiriladi.
Maskning qo‘shimcha qilishicha, ijtimoiy tarmoq mualliflik huquqi bilan himoyalangan kontentni targ‘ib qiladi.
Shuningdek, Twitter Bluye’ga pulli obuna bo‘lgan foydalanuvchilar endi 10 ming belgigacha bo‘lgan postlarni chop etishi va harflarni ifoda etishda kursivdan foydalanishi mumkin bo‘ladi.
Avvalroq endilikda Twitter tavsiyalarida faqat pulli obunachilarning xabarlari chiqishi haqida xabar berilgandi.
15-apreldan boshlab Twitter’dagi “Siz uchun” tavsiya yorlig‘i faqat Twitter Blue’ga faol obuna bo‘lgan foydalanuvchilarning postlarini ko‘rsatadi.
Tadbirkor, shuningdek, cheklovlar so‘rovnomalarda qatnashish uchun ham qo‘llanilishini aytdi — ularda faqat pulli obunasi bo‘lgan foydalanuvchilar ovoz berishi mumkin.
Bu sun’iy intellektga asoslangan botlar to‘dasi bilan kurashishning yagona yo‘li. Aks holda bu umidsiz yutqazilgan jang, — deb yozdi Mask Twitter’da.
Twitter Blue — bu foydalanuvchilarga Twitter’ni o‘z ehtiyojlariga mos ravishda sozlash, premium funksiyalardan foydalanish imkonini beruvchi oylik pulli obuna.
Izoh (0)