“Mehridaryo” loyihasiga toshkentlik Gulfira Abdurahmonova murojaat qilib, buyrak yetishmovchiligidan aziyat chekayotgan turmush o‘rtog‘ini davolatish uchun xalqdan yordam so‘ramoqda.
— Turmush o‘rtog‘im hech qachon sog‘lig‘idan shikoyat qilmasdi. U “Avtomaktab”da o‘qituvchi bo‘lib ishlardi. Dekabr oyida birdan tobi qochib, qon bosimi oshib ketdi. Tibbiy tekshiruvlar buyrak sohasida jiddiy kasallik borligi va ular ishlashdan to‘xtaganini ko‘rsatdi. Hozirgi kunda unga buyrak yetishmovchiligining 5-darajada kasallanishi tashhisi qo‘yilgan. Isitmasi bir necha kun tushmay, yurolmay qolganidan keyin dializ muolajasini boshladik. Ammo bu ham tananing bir tomoniga foyda bo‘lsa, boshqa a’zolarga zarar ekan. Xususan, qora taloq va jigar sohalarini ishdan chiqarar ekan. Turmush o‘rtog‘im hali juda yosh, buning ustiga qo‘limda chaqalog‘im bo‘lgani uchun hech qayerda ishlamayman. Besh oy davomida bor-budimizni sarflab, davolatdik. Ammo shifokorlar vaqtincha ta’sir etadigan dori-darmondan ko‘ra, buyrak ko‘chirib o‘tish ancha samarali ekanligini aytishyapti. Afsuski, oila-a’zolarimizning qon guruhi to‘g‘ri kelmagani uchun jarrohlik amaliyotini xorijda o‘tkazishimiz kerak ekan. Chunki O‘zbekistonda begona insonning donor bo‘lishiga yo‘l qo‘yilmas ekan. Xususan, Turkiyada buyrak ko‘chirib o‘tkazish amaliyoti va donor harajatlari kamida 20 ming AQSH dollari bo‘lishini aytishdi. Yaxshi insonlar uchta norasida farzandim baxtiga turmush o‘rtog‘im sog‘ayib ketishi kerak. Qo‘lingizdan kelgancha yordam beringlar, umrimning so‘nggiga qadar duo qilaman, — deydi bemorning turmush o‘rtog‘i Gulfira Abdurahmonova.
Abdurahmonov Fazliddinga xayriya qilishni istasangiz,
8600 0609 8765 6916
Abduraxmanova Gulfira
Murojaat uchun telefon: +998 99) 831-28-28
Izoh (0)