Rossiyadagi G‘alaba paradlarida xorijiy davlatlar rahbarlari, harbiylar va xorijiy diplomatlar doimo ishtirok etib kelgan. Biroq, Rossiyaning Ukrainaga bosqinidan so‘ng, hatto Rossiyaga do‘st bo‘lgan davlat rahbarlari ham Moskvaga tashrifdan bosh tortdi.
Qirg‘iziston rahbari Sadir Japarovning tashrifi bundan mustasno edi. Japarovning Moskvaga nega tashrif buyurishi haqida Markaziy Osiyo bo‘yicha ekspert Arkadiy Dubnov ma’lum qildi.
Mutaxassisga ko‘ra, Sadir Japarov rad etib bo‘lmaydigan taklifnoma olgan.
“Kreml kamida bitta prezidentning ushbu muhim tadbirda ishtirok etishini xohlaydi. Bu rolni Moldova rahbari Igor Dodon va Tojikiston rahbari Emomali Rahmon ijro etgandi. O‘shanda ular haqiqatan ham Moskvaning yordamiga muhtoj edi”, — deydi Dubnov.
Nega Putin Lukashenkoni taklif qilmadi? Belarus sobiq SSSR hududidagi slavyan dunyosining bir qismidir va o‘z hududida yadro qurolini joylashtirishga tayyor. Bu mamlakatni Rossiya federatsiyasining vassali deb atash mumkin. U bilan munosabatlarda hamma narsa aniq.
Qirg‘iziston Markaziy Osiyodagi eng “russofil” (ruslarni sevuvchi) davlatdir. Putin mamlakatning Moskva bilan yaqinlashish yo‘lidan borishiga ishonch hosil qilishi kerak.
Qirg‘iziston ham Rossiyani, ham Kreml dushman deb atagan G‘arb davlatlarini qo‘llab-quvvatlaydi. Bu yerda u Belarusdan farqli o‘laroq, ozmi-ko‘pmi erkindir.
Prezidentlar almashadigan savollarga kelsak, u bir nechta mavzularni qamrab oladi. Sadir Japarov qirg‘iz-tojik chegarasidagi vaziyat haqida gapiradi, dedi siyosatshunos.
“Rossiya rahbari Ukrainadagi ’maxsus harbiy operatsiyasi’ haqida o‘z fikrini bildiradi va AQSHning Rossiyaga qarshi sanksiyalar bo‘yicha keskin muzokaralari munosabati bilan Japarovga hamdardlik bildiradi. Putin Qirg‘iziston kelajakda o‘zini qanday tutishini bilmoqchi. U Amerikani rozi qilish uchun Rossiyaga xiyonat qilmaydimi?”, — deydi ekspert.
Qirg‘iziston mahsuloti importiga yaqinda qo‘yilgan taqiq Rossiya Qirg‘iziston o‘z siyosatini G‘arbga qaratishga qaror qilsa, sherigiga qanday munosabatda bo‘lishiga misol bo‘la oladi.
G‘arb davlatlarining munosabatiga kelsak, bu yerda hammasi uchrashuv natijalariga bog‘liq bo‘ladi. Qirg‘iziston o‘zini mustaqil tutsa, AQSH aralashmaydi.
“Rossiya bilan hamkorlikning chuqurlashishi bilan Bishkek AQSHdan moliyaviy ko‘mak olishni to‘xtatishi mumkin, xalqaro tashkilotlar yopiladi va mamlakat chuqur iqtisodiy inqirozga yuz tutadi”, — deya xulosa qildi Dubnov.
Ma’lumot uchun, Moskvada G‘alaba kuni munosabati bilan o‘tkaziladigan bayram tadbirlariga xorijdan yagona yetakchi — Qirg‘iziston rahbari Sadir Japarov tashrif buyuradi. Sababi respublika rahbari Sadir Japarov 9-may arafasida Moskvaga kelishi va paradda ishtirok etishini aytgani qayd etilgan. Peskov nima uchun xorijiy yetakchilarga taklifnoma yuborilmagani haqida ma’lumot bergan.
Izoh (0)