Rossiya sanksiyalar oqibatida oltinni umuman boshqa davlatlarga sota boshladi

Rossiya Yevropa Ittifoqi va G7 davlatlari tomonidan sanksiyalar joriy qilinganidan keyin Birlashgan Arab Amirliklari (BAA), Gonkong va Turkiyaga oltin yetkazib berishni qayta yo‘naltirdi. Unchalik taniqli bo‘lmagan kompaniyalar rus oltinlarini sotishni boshladi. Bu haqda ImportGenius’ga tayanib Bloomberg xabar berdi.

BAA Rossiya oltinini sotishning asosiy yo‘nalishiga aylandi. 2022-yilning martidan avgustigacha ushbu metall eksporti hajmi 500 mln dollarga yetdi. Bu davrda Paloma Precious va Al Bahrain Jewelers yetkazib berish bilan shug‘ullangan — ular 109 million va 50 million dollar miqdorida oltin import qilgan.  

Bundan tashqari, martdan avgustgacha Istanbul portidan taxminan 305 million dollarlik oltin o‘tgan.

Gonkongda rus oltinini VPower Finance Security kompaniyasi tomonidan ham import qilinadi, u 300 million dollar miqdoridagi qimmatbaho metallni Rossiyadan olib chiqib ketgan. 

ImportGenius ta’kidlashicha, ko‘plab yangi treyderlar uchun oltin sotish ularning asosiy faoliyatiga kirmaydi. Masalan Actava Trading DMCC — don va moyli o‘simliklar bozorlariga ixtisoslashgan brokerlik firmasi hisoblanadi. 

Shuningdek, Rossiyada oltin importi bilan bog‘liq operatsiyalar kichikroq banklar tomonidan yo‘lgan qo‘yila boshladi. Sanksiyalar qo‘llanilishidan oldin bu odatda “Sberbank” va VTB tomonidan amalga oshirilgan.

Rossiya va Ukraina o‘rtasida urush boshlangandan so‘ng, sanskiyalar oqibatida Rossiya kompaniyalari yirik banklar, jumladan JPMorgan Chase va HSBC Exit bilan hamkorlik qilish imkoniyatini yo‘qotdi.

Shuningdek, qimmatbaho metallarni tashish bozorida hukmronlik qiluvchi Brink’s va Loomis kompaniyalari ham Rossiya bilan hamkorlikni to‘xtatdi.

Urush boshlangunga qadar Rossiya oltinlari asosan Buyuk Britaniyaga yo‘naltirilar va shu mamlakatdagi kompaniyalar rus oltinini ko‘proq sotib olar edi. 

Hozirda G7 va Yevropa Ittifoqining sanksiyalari Rossiya oltinini o‘z bozorlariga olib kirishni va ularda joylashgan kompaniyalarga uni boshqa joylarda sotishni taqiqlaydi.

Ammo boshqa mamlakatlardagi firmalarga ikkilamchi sanksiyalar yo‘qligi sababli hali ham Rossiya oltini bilan shug‘ullanish hech qanday qoidabuzarlikka sabab bo‘lmaydi. 

Ma’lumot uchun, Rossiya dunyoda Xitoydan keyin ikkinchi eng yirik oltin qazib oluvchi davlat hisoblanadi.