Komedik filmlar insonlarni kuldirish, tabassum ulashish uchun yaratiladi. Biroq ayrim komedik filmlarning yakuni tomoshabinlarning ko‘ziga yosh keltiradi.
“Missis Dautfayr”
Komediyaning bosh qahramoni — Deniyel Xilard. U bir kun ichida hamma narsasini: ishi va oilasini yo‘qotadi. Rafiqasi ajrashishni talab qiladi va maqsadiga erishadi. Bosh qahramon farzandlarini haftada bir martagina ko‘ra oladi. Bu vaziyatdan chiqishning bitta yo‘li bor: Deniyel ideal enaga bo‘ladi. Sekin-asta sirlar ochiladi va bosh qahramon ko‘pchilikning hayotiga ta’sir qiladigan tanlov qilishiga to‘g‘ri keladi.
“Hayot go‘zal”
Guido — juda ta’sirli xarizma va yumorga ega yahudiy. U bir kuni go‘zal Dorani ko‘rib, sevib qoladi. Boshida Dora uni atrofdagilardan hech narsa ajratib turmasligini aniq ko‘rsatib beradi. Biroq uning urinishlari italiyalikning qalbini zabt etishga yordam beradi. Biroz vaqt o‘tgach, bosh qahramonlar munosabatlarini mustahkamlaydi, ularning oilasida farzand dunyoga keladi. Afsuski, urush boshlanib, barcha yahudiylar konslagerga jo‘natilganda ularning baxtli kunlari o‘z nihoyasiga yetadi. Guido o‘g‘li bilan birga mahbusga aylanadi. U bola sodir bo‘layotgan hamma narsa haqiqatan ham yuz berayotganini tushunmasligi uchun o‘yin o‘ylab topadi.
“1+1”
Filipp — baxtsiz hodisadan so‘ng nogiron bo‘lib qolgan fransuz tadbirkori. Uning butun vujudi falaj bo‘lib qoladi va boshqalarning yordamisiz hayot kechira olmaydi. Hamshirani izlashda bosh qahramon o‘ziga munosib nomzodni topa olmasligiga ishonch hosil qiladi. Biroq Dris o‘zining befarqligi va rahm-shafqatsizligi bilan uning e’tiborini tortadi. Ular birgalikda hayotga boshqacha qarashni boshlaydi va bir-biriga uzoq kutilgan o‘ziga ishonchni qozonishga yordam berishadi.
“Marli va men”
Bosh qahramonlar Jon va Jenni turmush qurib, yangi shaharga ko‘chib o‘tadi va ish topadi. Jenni o‘z sevgilisiga farzandli bo‘lishini bildirmaguncha hayot odatdagidek davom etadi. Jonning do‘sti juftlikka birinchi it boqib ko‘rishni taklif qiladi. Avvaliga Marli o‘zining quloqsizligini ko‘rsatmaydi. Biroq it vaqt o‘tib o‘z egalariga ko‘p muammolar keltirib chiqaradi. Uy hayvonlari bilan birgalikda ular hayot to‘siqlaridan o‘tib, to‘laqonli oila bo‘lishga harakat qilishadi.
“Haqiqiy sevgi”
“Haqiqiy sevgi” — bu bir nechta hayotiy hikoyalarni birlashtirgan film. Garri va Karen turmush qurib, birga hayot kechirayotgan bo‘ladi. Ayolga ularning turmushida hammasi joyida bo‘lib ko‘rinadi. Biroq, u turmush o‘rtog‘ining kotibani sevib qolganidan shubha qilmaydi. Kunlarning birida Garri qimmatbaho marjon sotib oladi. Karen uni topib oladi va marjonni o‘ziga atalgan deb o‘ylaydi. Oxir-oqibat u sovg‘a boshqa birovga mo‘ljallanganligini tushunadi. Kinokartinada tomoshabinlarni xursand qilishi va xafa qilishi mumkin bo‘lgan boshqa hikoyalar ham bor.
“Galaktika qo‘riqchilari-2”
Birinchi qismda bosh qahramonlar birlashib, koinotni har xil muammolardan qutqarishga qaror qiladi. Film davomida ular bilan bog‘liq ko‘plab muhim voqealar sodir bo‘ladi. Biroq filmning eng esda qolarli va yurakni ezadigan sahnasi bu final qismi. Kinokartina kulgili lahzalarga boy, biroq uning oxiri hammani yig‘latadi.
.jpg)
“Yozning 500 kuni”
Tom — juda qiziq ish qiladigan yosh yigit. Kunlarning birida u ko‘k ko‘zli Sammer ismli qiz bilan uchrashib qoladi. Tom umidsiz sevib qolganini tushunadi. Sekin-asta qahramonlar bir-birini yaxshiroq biladi va tushunadi. Biroq, filmning oxiri har doim ham tomoshabinlar xohlagan tarzda bo‘lavermaydi.
Izoh (0)