Kann kinofestivalida sarguzashtchi arxitektor haqidagi filmning beshinchi — oxirgi qismi “Indiana Jons va taqdir charxpalagi” kartinasining taqdimoti o‘tkazildi. Taqdimotdan so‘ng Xarrison Ford o‘zini butun dunyoga mashhur qilgan Indiana Jons roli bilan xayrlashdi.
Ijtimoiy tarmoqlarda tomoshabinlar Xarrison Fordni olqishlayotgani, aktyor bu holatdan ta’sirlanib, ko‘zyoshlarini tiya olmagani aks etgan videolar tarqaldi. Aytishlaricha, tomoshabinlar aktyorni 5 daqiqa tinimsiz olqishlagan.
Bundan tashqari, taqdimotdan avval Xarrison Fordga Kann kinofestivalining “Oltin palma novdasi” mukofotini topshirishgan.
Xarrison Ford o‘z nutqida filmdagi hamkasblariga (rejissor Jeyms Mengold, aktrisa Fibi Uoller-Bridj, aktyor Mads Mikkelsen) va rafiqasi Kalista Flokxartga minnatdorlik bildirdi.
“Ayni paytda juda hayajondaman. Menda siz tomosha qilishingiz kerak bo‘lgan film bor. Shuning uchun sahnani tark etaman va sizlarga yana bir bor minnatdorchilik bildiraman”, — deydi aktyor.
80 yoshli Ford “Indiana Jons va taqdir charxpalagi” (2023), “Indiana Jons: Yo‘qotilgan kema bosqinchilari” (1981), ”Indiana Jons va halokat ibodatxonasi” (1984), “Indiana Jons va so‘nggi salib yurishi” (1989), “Indiana Jons va billur boshchanog‘i qirolligi” (2008) kabi beshta filmda bosh rolni ijro etgan.
Xarrison Ford Kann kinofestivalida Indiana Jons roli bilan xayrlashdi. Tomoshabinlar uni olqishlayotganida aktyorning ko‘zlari yoshlandi (video)
×![Lightbox Image]()
Izoh (0)