Turk seriallarining syujeti, aktyorlar mahorati har qanday tomoshabin e’tiborini o‘ziga qaratadi. Ulardagi voqealar rivoji, haqiqiydek tasvirlangan tuyg‘ular, munosabatlar ham alohida e’tirofga loyiq. Quyida tomoshabinlar qalbidan joy olgan mashhur turk seriallaridagi juftliklar haqida ma’lumot beriladi.
Serkan va Eda — “Eshigimni qoq”
Eda — landshaft dizayneri bo‘lishni orzu qiladigan iste’dodli florist. Biroq u mashhur arxitektor Serkanning aybi bilan o‘qish grantidan mahrum bo‘lib, xolasining gul do‘konida ishlaydi. Eda hech bir ishda taslim bo‘lishni yoqtirmaydi. Eda Serkan bilan bog‘lanib, unga o‘zgacha kontrakt tuzishni taklif qiladi. Shundan so‘ng Eda o‘z stipendiyasining qaytarilishini kutadi. Keyinchalik juftlikning o‘rtasida iliq munosabatlar paydo bo‘ladi. Ushbu loyihada Eda rolini Hande Erchel, Serkan obrazini esa Kerem Bursin gavdalantirgan.
Ekrandagi munosabatlar haqiqiy hayotga ham ko‘chdi. Suratga olish jarayonlari davomida bosh rol ijrochilari o‘rtasida iliq munosabatlar boshlangani haqida mish-mishlar tarqaldi. Serialning suratga olish jarayonlari yakunlangach, ularning munosabatlari piar ekani ma’lum bo‘ldi. Biroq jutftlikning eng sodiq muxlislari ularning munosabatlari yana tiklanishiga ishonadi.
Majit va Neriman (“Istanbulning ikki yuzi”)
Neriman Istanbuldagi qashshoq mahallalarning birida yashaydi. U yoshligida onasidan ayriladi, otasi va xolasi qo‘lida tarbiya oladi. U bolaligidan tanigan yaqin insoni Shinasi bilan turmush qurmoqchi bo‘ladi. Bu vaqtda badavlat ota-onaning o‘g‘li Majit otasining vasiyatini bajarib, uning do‘stining qiziga uylanishga hozirlik ko‘radi. Yigit Neriman bilan tasodifan ziyofatda uchrashib qoladi va ularning o‘rtasida muhabbat paydo bo‘ladi. Ushbu serialda Neriman obrazini Neslihan Atagul, Majit obrazini Kadir Dog‘ulu ijro etgan. Neslihan Burak O‘zchivitning sevgilisi rolini o‘ynagan “Sevgi iztirobi” serialini suratga olish jarayoni davom etayotgan vaqtda Kadir bilan turmush qurdi. Mish-mishlarga ko‘ra, “Sevgi iztirobi” serialini suratga olish jarayonlari vaqtida Kadir rafiqasini partnyoridan juda qizg‘angan. Ayrim sahnalarda ijodkorlar Burak va Neslihanni alohida suratga olishi kerak bo‘lgan, keyin esa montaj paytida ular kadrga “yig‘ilgan”.
Kamron va Feride — “Choliqushi”
Serialda bosh qahramon Feride xolasi va uning o‘g‘li Kamron bilan birga yashaydi va birdaniga qarindoshini yaxshi ko‘rib qoladi. Bu sirdan boshqalar ham xabar topadi. Serialda Feride obrazini Fahriye Evjen, Kamron rolini esa Burak O‘zchivit ijro etgan. Aynan “Choliqushi” filmining suratga olish jarayonlarida u turmush o‘rtog‘i Fahriye bilan tanishdi. Shundan keyin aktyorlar orasidagi munosabatlar haqida mish-mishlar tarqaldi. Bu paytda Burak O‘zchivit boshqasiga unashtirilgan edi, uning partnyori esa og‘ir damlarni boshdan kechirayotgan edi. Oradan vaqt o‘tib juftlik “Sevgi senga o‘xshaydi” teleserialida yana birga suratga tushdi va shundan keyin ular yaqin munosabatda ekanini ommadan yashirmadi.
Amir va Zaynab — “Sevgi iztirobi”
Serialda katta biznesmenning qizi Nihon avtobusda tasodifan oddiy oiladan bo‘lgan talaba yigit bilan uchrashib qoladi. Qizning qarindoshlari Kamol bilan munosabatlariga qarshi bo‘ladi, biroq Nihon u bilan birga bo‘lish uchun hamma narsaga tayyor turadi. Biroq, serialda boshqa qahramonlar ham bor, Nihanga oshiq bo‘lgan Amir o‘z maqsadiga erishishda Kamolning singlisi Zaynabdan foydalanadi. Mashhur turk aktrisasi Hazal Filiz Kuchukkose serialda Zaynab rolini, Kaan Urganjio‘g‘lu esa Amir rolini gavdalantirgan.
Bu haqiqatan ham Neslihan Atagulning serialdagi baxtli munosabatlariga ta’sir qilgan serial. Serialdagi bosh rol ijrochilarning muhabbati ko‘plab tomoshabinlarning e’tiboriga tushgan, biroq ularning atrofidagi boshqa qahramonlar ham bundan chetda qolmagan. Serialda Zaynab Amirning sevgisi uchun uzoq vaqt Nihon bilan kurashib, hatto undan homilador bo‘lib, turmushga chiqadi, biroq oxir-oqibat farzandidan ham, turmush o‘rtog‘idan ham ayrilib qoladi. Amir haqiqatan ham qizdan o‘z maqsadlari yo‘lida foydalanadi. Umuman olganda, duet tomoshabinlarning ishonchini qozondi. Kaan va Xazal serialning suratga olish jarayonlarida do‘st bo‘lib qoldi, aktyorlar birga tushgan suratlarini ijtimoiy tarmoqqa joyladi.
Jan va Sanem — “Erta uchgan qush”
Loyihada go‘zal Sanem nufuzli reklama agentligiga ishga kiradi. U tezda korporativ intrigalarga to‘la ofis muhitiga kirishib ketadi. Shundan keyin kompaniya prezidentining o‘g‘li Jan unga e’tibor qaratadi. Loyihada bosh rollarni Demet O‘zdemir va Jan Yaman ijro etgan. Juftlik munosabatlarini ekranda shu qadar ishonarli tarzda ijro etdiki, jurnalistlar ular o‘rtasidagi munosabatlardan shubhalandi. Biroq, aktyorlar atrofdagilarga o‘rtasida faqat do‘stlik munosabatlari borligiga ishontirib, hamma mish-mishni rad etdi. Bu rol Jan Yamanga 2018-yilda nufuzli “Oltin kapalak” mukofotini qo‘lga kiritishiga yordam berdi.
Ayaz va Oyku — “Gilos mavsumi”
Bosh qahramon Oyku Mete ismli yigitni sevib qoladi, biroq u buni sezmaydi. Oradan ko‘p o‘tmay u Mete bilan ishlayotgan Ayaz bilan uchrashadi va birdaniga bu yigit uning haqiqiy taqdiri ekanini tushunib yetadi. Loyihada Oyku rolini O‘zge Gurel, Ayaz obrazini esa aktyor Serkan Chayog‘lu ijro etgan.
“Gilos mavsumi” O‘zge Gurelning karyerasidagi yutuqqa aylandi. Aktrisa loyihaga tasodifan qo‘shilgan. O‘zge bu paytda boshqa loyiha kastingida qatnashayotgan edi, biroq u do‘stlarining maslahati bilan bu serialda ham o‘zini sinab ko‘rishga qaror qildi. Natijada, serial Turkiyadagi eng mashhur loyihalardan biriga aylandi. Shuningdek, bu Italiyada namoyish etilgan birinchi turk serialiga aylandi. Suratga olish jarayonida O‘zg eng yaqin do‘stlaridan biriga aylangan aktrisa Fatma Toptash bilan uchrashdi.
Ferit va Nazli — “To‘lin oy”
Nazli o‘z restoranida oshpaz bo‘lishni orzu qiladi. Biroq o‘sha paytda u pul topish ilinjida yurgan talaba bo‘ladi. U o‘ta talabchan, injiq va sevgidan uzoq vaqtdan beri hafsalasi pir bo‘lgan badavlat tadbirkor Feritga shaxsiy oshpaz bo‘lib ishga kiradi. Serialda bosh rollarni O‘zge Gurel va Jan Yaman ijro etgan. Serial hozirda eng mashhur turk yulduzlarini birlashtirib, turk kinosi muxlislarining uzoq yillik orzusini amalga oshirdi. Juftlikning munosabatlari serialdan haqiqiy hayotga ko‘chdi.
Izoh (1)
Hayotda Özge Jan Yaman bilan emas Serkan bilan oila qurgan