“Chelsi” yozda 15 nafargacha futbolchisi bilan xayrlashishi kutilmoqda

Argentinalik murabbiy Maurisio Pochettino “Chelsi”ga kelgach, rahbariyat tarkibda juda katta o‘zgarishlar qilmoqchi.

“Chelsi” so‘nggi ikki transfer oynasida ko‘plab transferlarni amalga oshirganidan so‘ng tarkibdagi futbolchilar soni 30 nafardan oshib ketdi. Daily Mail nashrining xabariga ko‘ra, yozda jamoani kamida 10 nafar futbolchi tark etadi.

Pyer-Emerik Obameyang, Hakim Ziyosh, Kristian Pulishich, Eduar Mendi va Kallum Hadson-Odoilar “Chelsi”ni tark etishi kutilmoqda. Kalidu Kulibali, Sesar Aspilikueta va Ngolo Kantelarning kelajagi so‘roq ostida. 

Shuningdek, Mateo Kovachich, Konor Gallaher, Trevo Chalobe va Ruben Loftus-Chikka turli klublardan qiziqishlar mavjud. Meyson Mauntni esa “Manchester Yunayted”, “Liverpul” va “Arsenal” o‘z safiga qo‘shib olish uchun kurash olib bormoqda. Pochettino futbolchi jamoada qolishini xohlamoqda.

Londonliklar ushbu futbolchi uchun 259,5 million funt (deyarli 300 million yevro) sarflagan. Endi ularning sotuvi orqali 280 million funt (deyarli 325 million yevro) ishlab olmoqchi. 

“Aristokratlar” Maunt uchun 75 million funt, Gallaher uchun 40 million, Kovachich uchun esa 35 million yevro talab qiladi. “Chelsi” Kristian Pulishich, Eduar Mendi, Chaloba va Loftus-Chiklarning har birini 25 million funtdan kamiga sotmoqchi emas. 

“Chelsi”ga 37 million funtga tushgan Hakim Ziyosh 15 millionga baholanmoqda. Aspilikuetani xarid qilmoqchi bo‘lgan jamoa 5 million funt to‘lashiga to‘g‘ri keladi. 

Kante va Obameyang klubni tekinga tark etishi mumkin. Kulibali esa ijaraga beriladi. 

Joau Feliks “Atletiko”ga, Denis Zakariya “Yuventus”ga qaytdi. Maurisio futbolchilarga ishonch bildirmadi.