A Seriyada mavsum yakunlandi. “Spetsiya” “Roma”ni yengolmadi va ligada qolish uchun qo‘shimcha o‘yin o‘tkazadi

Futbol bo‘yicha Italiya A Seriyasining 38-turidan o‘rin olgan qator uchrashuvlar 4-iyun, yakshanba kuni bo‘lib o‘tdi.

“Roma” o‘z uyida “Spetsiya”ni qabul qildi. Spetsiyaliklar Dimitris Nikolauning oltinchi daqiqada kiritgan goli evaziga hisobda oldinga chiqib oldi. Biroq birinchi bo‘lim yakunida rimliklar vakili Nikola Zalevski hisobni tenglashtirdi.

Ikkinchi bo‘limga qo‘shib berilgan birinchi daqiqada Paulo Dibala penaltidan gol kiritib, “Roma”ning irodali g‘alabasini ta’minladi. “Spetsiya” tarkibida harakat qiladigan Eldor Shomurodov 90+2 daqiqada zaxiradan maydonga tushdi va Dibalaga nisbatan ishlatgan qo‘polligi tufayli sariq kartochka oldi.

G‘alaba qozonganiga qaramay “Roma” oltinchi o‘rinda qoldi va Yevropa Ligasida ishtirok etadigan bo‘ldi. “Spetsiya” esa “Verona” bilan ochkolari teng bo‘lib qolgani sababli A Seriyada qolish uchun veronaliklarga qarshi qo‘shimcha o‘yin o‘tkazadigan bo‘ldi.

“Yuventus” Kyezaning goli evaziga “Udineze” ustidan g‘alaba qozonib, turnir jadvalida yettinchi o‘rinni egalladi. Turinliklar Konferensiyalar Ligasiga yo‘l oldi.

---

A Seriya

38-tur bahslari

4-iyun, yakshanba

“Roma” – “Spetsiya” 2:1

Gollar: 0:1 – 6 Nikolau, 1:1 – 43 Zalevski, 2:1 – 90+1 Dibala (pen).

“Roma”: Svilar, Chelik (Lorente, 46), Smolling, Manchini (Veynaldum, 82), Zalevski, Kristante, Pellegrini, Bove (Matich, 64), El-Shaaravi, Dibala, Belotti (Abraxam, 64, Spinatssola, 80).

“Spetsiya”: Zut, Amyan, Nikolau, Ampadu, Visnevski, Resa, Burabiya, Jurkovski, Espozito (Eldor Shomurodov, 90+2), Jasi, Nzola.

Ogohlantirishlar: Espozito (14), Pellegrini (44), Nikolau (58), Zut (66), Amyan (76), Dibala (78), Eldor Shomurodov (90+12).

Chetlatish: Amyan, 89

“Udineze” – “Yuventus” 0:1

Gol: 0:1 – 68 Kyeza.

“Milan” – “Verona” 3:1

Gollar: 1:0 – 45, penalti Jiru, 1:1 – 72 Faraoni, 2:1 – 85 Rafael Leau, 3:1 – 90 Rafael Leau.

“Lechche” – “Bolonya” 2:3

Gollar: 1:0 – 17 Banda, 1:1 – 58 Arnautovich, 1:2 – 81 Zirkzeye, 2:2 – 88 Uden, 2:3 – 90 Fergyuson.

“Atalanta” – “Monsa” 5:2

Gollar: 1:0 – 12 Kopmeyners, 2:0 – 45 Kopmeyners, 2:1 – 51 Kolpani, 3:1 – 74 Heylund, 4:1 – 79 Kopmeyners, 4:2 – 81 Petanya, 5:2 – 90 Muriel.

“Napoli” – “Sampdoriya” 2:0

Gollar: 1:0 – 64, Osimhen (pen), 2:0 – 85 Simeone.