29-may kuni Kosovo shimoli va Metoxiyadagi namoyishlar chog‘ida yuz bergan to‘qnashuvlar videolari serblarning aybsizligi va kosovo-alban politsiyasining zo‘ravonligiga aniq ko‘rsatmoqda, Prishtina hibsga olingan ikki serbni zudlik bilan ozod qilishi kerak, dedi Serbiya hukumati huzuridagi devonxona direktori Petar Petkovich.
Kosovo shimolidagi munitsipalitetlar oldida serblar namoyishlarini davom ettirmoqda. Dushanba kuni Zvechan shahridagi o‘rta maktab bitiruvchilari Serbiya bayroqlari va “Zvechan abadiydir” banneri bilan shahar bo‘ylab yurishdi. 29-may kuni mahalliy aholi va xavfsizlik kuchlari o‘rtasidagi to‘qnashuvlar natijasida Kosovo va Metoxiyada 52 nafar serb va NATOning kamida 30 nafar harbiy kontingenti yaralangan.
“Aniqki, Kurti begunoh serblarni hibsga olib, ta’qib qilmoqda. Siz, (Yevropa Ittifoqining maxsus vakili) Miroslav Laychak, (YXHT missiyasi rahbari) Maykl Devenport, (EULEX qonun ustuvorligi bo‘yicha YI missiyasi rahbari) Lars Gunnar Vigemark, (BMTning Kosovodagi missiyasi) UNMIK bu aniq dalillarni ko'rdingizmi?
Biz begunoh serblar zudlik bilan ozod etilishini talab qilamiz!” deya Twitter’da yozib qoldirdi Petkovich.
Izoh (0)