Acıbadem болалар учун эпилепцияни даволаш, серебрал фалажни енгиллаштириш, мия ўсмаларини даволаш ва туғма ривожланиш нуқсонларини бартараф этишдан бошлаб, кенг доирадаги педиатрик нейрожарроҳлик хизматларни кўрсатган ҳолда, болалар ҳаётини яхши томонга ўзгартиришга интилмоқда.
Дунёда бу каби муолажаларни болаларга тақдим этадиган тиббий марказлар жуда кам ва улар асосан ривожланган мамлакатларда учрайди. Acıbadem болалар нейрожарроҳлиги соҳасида мижозларнинг юқори талабларига жавоб беради. 2021 йилда Acıbadem болалар нейрожарроҳлиги жамоаси сон ва умуртқа қисмига бир-бирига қўшилиб (бирикиб) қолган Камерун сиам эгизаклари Элизабет ва Мерини бир-биридан ажратиш бўйича муваффақиятли 27-соатли операцияда иштирок этган. Профессор Мемет Озек раҳбарлигидаги болалар нейрожарроҳлиги бригадаси бир-бирига ўсиб қолган таналарни ажратишга муваффақ бўлди. Бугунги кунда бу эгизаклар ҳеч қандай функционал муаммоларсиз, иккита мустақил кичкинтойлар сифатида ҳаёт кечирмоқдалар.
Профессор Мемет Озек
Мултидисциплинар (турли ихтисосликларга мансуб) жамоалар муҳим ҳаётий рол ўйнайдилар
Acıbadem да болалар даволаниши кўп тармоқли жамоа томонидан режалаштирилади, ўтказилади ва назорат қилинади. Мижозни жамоавий текширувдан ўтказиш асосида биргаликда даволаш режаси тузилади. Acıbadem нинг болалар нейрожарроҳлик бўлими болалар нейрожарроҳи, физиотерапевт, ҳаракатланишни таҳлил қилиш раҳбари, болалар жарроҳи, ортопед, болалар неврологи, болалар онкологи, радиацион онкологи, болалар анестезиологи, нейрорадиолог ва нейрожарроҳлик ҳамширасидан иборат. Бўлимнинг ҳар бир аъзоси ўз фаолият ва билим соҳасига эга. Болалар нейрохирургияси соҳасидаги мутахассисларимизнинг тажрибаси тенгсиздир.
Болалар нейрожарроҳлик бўлимимиз раҳбари профессор Мемет Озек жамоадаги ҳар ходимнинг аҳамиятли эканлигини таъкидлайди: “Анестезиолог болалар анестезиологияси соҳасида тегишли тажрибага эга бўлиши лозим. Жамоамизда болалар жарроҳлиги соҳасида 27 йиллик тажрибага эга бўлган мутахассис ишлайди...
Гап фақат жарроҳликда эмас. Болалар ўзларининг муаммолари (оғриқ, қон кетиши) ҳақида хабар бера олмайдилар. Сизга жамоангизда интенсив терапия бўйича педиатрик мутахассислар керак… Яна бир муҳим муаммо — болалар миясидаги ўсма. Болалар мияси ўсмалари ноёбдир ва бизни ажратиб турувчи хусусиятлардан бири – бизда радиацион онкология ва болалар онкологияси соҳасида ажойиб ходимларимиз бор. Касаллик қайталаниши хатари мавжудлиги сабабли жарроҳликдан кейинги ҳар қандай қўшимча парвариш улар билан муҳокама қилинади. Биз мижозни операцияга тайёрлашдан бошлаб, операциядан кейинги даврда парваришлашгача бўлган муолажаларни бутун жамоа бўлиб амалга оширамиз. Фақат зарур тажриба мавжуд бўлган тақдирдагина муваффақиятга эришиш мумкин”.
Ўз фарзандингиз учун маъқул клиника ва шифокорни қандай танлаш мумкин?
Шифохона танлашда маълум мезонлар билан танишиш ва шифокорлар, ҳамда шифохоналарга қуйидаги бир неча савол беришингизни тавсия қиламиз:
- Мутахассислар болалар учун қилган муолажалар сони.
- Шифохонанинг онкология, неврология, физиотерапия ва шу каби бошқа ихтисосликлари мавжудлиги.
- Операцияда нейрожарроҳлик соҳасида тажрибали болалар анестезиологи иштирок этиши.
- Шифохонада интенсив болалар терапияси бўлими мавжудлиги.
Туркиядаги Acıbadem шифохоналарида даволанишга оид ўзингизни қизиқтирган барча саволлар юзасидан Acıbadem нинг Тошкент ва Самарқанддаги ваколатхонасига мурожаат қилишингиз мумкин:
Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.
Телефон: +998-95-144-54-45
Самарқанддаги ваколатхонамизнинг манзили: Самарқанд шаҳри, Мирзо Улуғбек 140.
Телефон: +998-66-234-41-71
Расмий сайт орқали барча керакли маълумотларга эга бўлишингиз мумкин: www.acibadem.com.ru
Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Telegram ва Instagram саҳифаларига аъзо бўлишингиз мумкин.
Реклама ҳуқуқи асосида.
Изоҳ (0)