Samarqandda 18 yoshli talaba qiz o‘z joniga qasd qildi

Samarqand viloyati Oqdaryo tumanidagi ko‘prikdan o‘zini suvga tashlagan qiz haqida xabarlar tarqaldi. Holat yuzasidan Bosh prokuratura matbuot xizmati maʼlumot berdi.

Aniqlanishicha, 10-mart kuni soat 21:25 larda Oqdaryo tumani “O‘zbekiston” mahallasida yashagan 18 yoshli D.O. (oliy taʼlim muassasasi talabasi) Oqdaryo va Samarqand tumanlarini tutashtiruvchi Qoradaryo ko‘prigidan o‘zini suvga tashlab joniga qasd qilgan.

Marhumaning o‘lim sababini aniqlash uchun sudga oid tibbiy ekspertiza tayinlangan.

Holat yuzasidan Oqdaryo tuman prokuraturasi tomonidan tergovga qadar tekshiruv harakatlari o‘tkazilmoqda.