Andijonda ikki oyda 26 marta qoida buzgan haydovchi 28 mln so‘m jarima to‘ladi 

Andijon shahrida ikki oyda 26 marta qoida buzgan haydovchi 28 million so‘m jarima to‘ladi. Bu haqda MIB axborot xizmati “Daryo”ga xabar berdi. 

Xabarga ko‘ra, fuqaro B.I. avtomobilda harakatlanayotgan vaqtda yo‘llarda belgilangan harakat tezligini oshirib, 2022-yil 20-oktabrdan 28-dekabrga qadar, yaʼni 2 oy davomida jami 26 ta qoidabuzarlik sodir etgan. Natijada 26 ta qoidabuzarlik bo‘yicha maʼmuriy jarima qo‘llanilgan bo‘lib, uning miqdori 28 170 000 so‘mga borib yetgan.

Maʼmuriy jarimalarni undirish maqsadida byuroning Andijon shahar bo‘limi xodimlari tomonidan fuqaro B.I. bilan tushuntirish ishlari olib borilib, qo‘llanilgan 28 170 000 so‘m jarima pullari to‘liq undirildi.