Toshkentda 3-qavatdan tushib ketgan qiz ishi bo‘yicha qo‘shimcha ma’lumot berildi

Toshkentda ijarada yashab kelgan 16 yoshli qiz o‘zini yuqori qavatdan tashlagani haqida xabar berilgandi. Bosh prokuratura holat yuzasidan qo‘shimcha ma’lumot berdi.

Aniqlanishicha, hodisa Yunusobod tumanida 5-aprel kuni sodir bo‘lgan. 9-sinfda o‘quvchi X.M. 3-qavatda balkon oynasini artayotgan vaqtida ehtiyotsizligi oqibatida yiqilib, tan jarohat olgan.

Hozirda voyaga yetmagan X.M.ning ahvoli yaxshi. Mazkur holat yuzasidan sud-tibbiy ekspertizasi tayinlangan. Yunusobod tumani prokuraturasi tomonidan tergovga qadar tekshiruv harakatlari olib borilmoqda.