Rossiya Qozog‘iston orqali millionlab dollarga dronlar sotib olmoqda

Rossiya sanksiyalarni chetlab o‘tib, har oy Qozog‘iston orqali millionlab dollarlik dron va mikroelektronika sotib oladi. Bu haqda Important Stories, Der Spiegel va OCCRP qo‘shma surishtiruvida maʼlum qilindi.

Xususan, nashr Rossiyaga dronlarning asosiy yetkazib beruvchilaridan biri bo‘lgan Qozog‘istonning Aspan arba kompaniyasi urush boshlanganidan keyin tuzilganini aniqladi. Uning Rossiyadagi asosiy kontragenti Moskvaning “Nebesnaya mexanika” kompaniyasi bo‘lib, ikkala tashkilotning ham egasi bir xil.

“Nebesnaya mexanika”ning xaridorlari orasida qurolli mojarolar faxriylari federatsiyasi, Kamchatka viloyat urush va mehnat faxriylari kengashi, shuningdek, rus harbiylari sotib oladigan Ozonʼdagi do‘kon bor.

Federal qidiruv byurosi, razvedka va Mudofaa vazirligi uchun elektronika ishlab chiqarish uchun komponentlar Rossiyaga Qozog‘istonning Da Group 22 kompaniyasidan nemis chiplarini sotib oluvchi “Stek” kompaniyasi tomonidan import qilinadi. “Stek”, Da Group 22 va nemis distribyutorlari bir oila aʼzolariga tegishli.

Umuman olganda, tergov mualliflarining aniqlashicha, urush boshlanganidan keyin Qozog‘istonga mikroelektronika importi ikki baravarga oshgan — 35 million dollardan 75 million dollargacha. Qozog‘istondan Rossiyaga chiplar eksporti birdaniga ikki baravarga ko‘tarilgan — 245 ming dollardan 18 million dollargacha.