Qozog‘istonda bola ilon chaqishi oqibatida vafot etdi 

Qozog‘istonda to‘qqiz yoshli bola ilon chaqishi oqibatida kasalxonada vafot etdi. Bu haqda AstanaTV xabar berdi.

Hodisa Olmaota viloyati Kegen qishlog‘ida sodir bo‘lgan. Bola og‘ir ahvolda shifoxonaga yotqizilgan. Unda o‘pka shishi qayd etilgan. Bemor zudlik bilan intensiv terapiya bo‘limiga yotqizilgan. 

Ilon zahariga qarshi zardob berilgan. Bir necha soatdan keyin protsedura takrorlangan. Ammo bemorning ahvoli keskin yomonlashgan.

“Bolaning ahvoli og‘ir bo‘lgani uchun uni qutqara olmadik, chunki unda ko′plab asoratlar qayd etilgandi. Toksik gepatit, toksik nefrit bor edi. Oxir-oqibat, uning ko‘p a’zolarida yetishmovchilik kuzatildi”, — deydi Kegen tuman shifoxonasi bosh shifokori o‘rinbosari Murat Serikuli.

• Olmaota viloyatida yil boshidan beri o‘n bir kishini ilon chaqqan; 
• 2022-yili esa 24 kishi shifokorlarga murojaat qilgan;
• So‘nggi hodisaga qadar qurbonlar bo‘lmagan.