20 dan ortiq davlat BRIKSga a’zo bo‘lish uchun ariza topshirdi — Bloomberg

20 dan ortiq davlat BRIKSga a’zo bo‘lish uchun rasman ariza berdi, deb xabar bermoqda Bloomberg.

“22 davlat BRIKSga a’zo bo‘lish uchun rasman ariza berdi”, — deyiladi agentlik bayonotida.

Shuningdek, ma’lumotlarga ko‘ra, taxminan, yana shuncha davlat uyushmaga kirish istagini norasmiy ravishda bildirgan.

BRIKS (BRICS — Brazil, Russia, India, China, South Africa) — Braziliya, Rossiya, Hindiston, Xitoy va Janubiy Afrika mamlakatlarni birlashtiruvchi uyushma. Xitoy Tashqi ishlar vazirligiga ko‘ra, mazkur iqtisodiy blokka bir qator boshqa davlatlar, jumladan, Argentina, Eron, Indoneziya, Turkiya, Saudiya Arabistoni va Misr qo‘shilish niyatida.

Iyun oyida Bangladesh ham mazkur ittifoqqa a’zo bo‘lish uchun ariza topshirgandi.

“Mamlakatimiz tez orada BRIKSga qo‘shilib, ushbu faol rivojlanayotgan hamjamiyatning bir qismiga aylanishiga umid bildiramiz”, — degandi o‘shanda Bangladesh tashqi ishlar vaziri.