Qora smorodina mevasini sevib iste’mol qilish uchun 5 sabab

Bolaligingizda buvingizning hovlisida unga qora smorodina mevalarini terishga yordam berganingizni eslang. Siz tezda charchab qolar, buvingiz esa hosilni chelakka yig‘ib-terib olmaguncha ishlardi.

Hozirga kelib, ulg‘ayganimizdan so‘nggina ularning nega shu qadar tirishqoq bo‘lganini anglab yetamiz: shunchaki oddiy rezavor mevada mo‘jizaviy xususiyat borligini bilib qoldik! Quyida The Voice Mag nashri qora smorodinani sevib iste’mol qilish va uning foydalaridan bahramand bo‘lish uchun 5 ta sababni keltirib o‘tadi.

Qora smorodinani sevishning 5 sababi:

• Qora smorodina gamma-linolenik kislotaga boy, bu kislota omega-3 yog‘ guruhiga kiritilgan. Aynan revmatoid artrit alomatlarini kamaytiradigan modda bo‘lib, u 50 yoshdan oshgan ayollar uchun juda muhimdir.
• Meva tarkibida arteriyalarning qotib qolish, saraton yoki yurak kasalliklarini rivojlantirish xavfini kamaytiradigan qimmatbaho kislotalar mavjud.
• Qora smorodinada mo‘l-ko‘l bo'lgan mikroelementlar terini tozalaydi, tirnoqlarni mustahkam qiladi va sochlarni ipakdek mayinlashtiradi.
• Shuningdek, qora smorodinada proantotsianidinlar mavjud bo‘lib, ular ayollarda sistitga olib keladigan bakteriyalarni o‘ldiradi.
• Qora smorodina barglari va rezavorlarining tarkibiy qismlari PMSdagi og‘riqni kamaytiradi va hayz siklini tiklaydi. Shuning uchun smorodinadan tayyorlanadigan suyuqliklar va iliq choyidan ichishga odatlaning.