Qozog‘istondagi AYQSHda kuchli yong‘in va portlash sodir bo‘ldi (video)
Qozog‘istonning Ekibastuz shahridagi yonilg‘i quyish shoxobchasida kuchli yong‘in va portlash sodir bo‘ldi. Olov turar joy sektoriga tarqalish xavfi bor, deb yozmoqda Tengrinews.
Shahar joylashgan Pavlodar viloyati Favqulodda vaziyatlar boshqarmasi matbuot xizmati xabariga ko‘ra, AYQSHdagi yong‘in 26-iyul kuni soat 13:24 da (Toshkent vaqti bilan 12:24) boshlangan. Shoxobchadagi to‘rtta yonilgi baki yonmoqda, o‘t o‘chirish ishlari olib borilyapti.
Dastlabki ma’lumotlarga ko‘ra, bir kishi halok bo‘lgan.
Aprel oyida Qozog‘istonning Janao‘zen shahridagi ikki qavatli turar joyda gaz balloni portlab, bino podyezdi qulab tushgan edi, oqibatida to‘rt kishi halok bo‘lgan. Shuningdek, Qizilo‘rda shahridagi uyda portlash yuz bergan, hodisada O‘zbekiston fuqarosi jarohat olgandi.
