Diyetologlar nima uchun oq undan qilingan non iste’molini cheklash kerakligini maslahat beradi?

Sog‘lom ovqatlanish mavzusi har doimgidek dolzarb. Ratsiondagi odatiy oziq-ovqatlarni eng foydali va shifobaxsh mahsulotlar bilan almashtirishning iloji bo‘lmasa, unda hech bo‘lmaganda zararlilarini yo‘q qilishga harakat qilishingiz mumkin. Masalan, o‘zingizni bunday mahsulotlarning faqat bittasidan cheklang.

Diyetolog Aleksey Kovalkovning bayon qilishicha, non mahsulotlari iste’molini hech bo‘lmaganda asta-sekin bo‘lsa ham cheklash kerak. Gap shundaki, sevimli bagetlarimiz, non va kruassanlarimiz yuqori glikemik indeksga ega. Bu ko‘rsatkich qanchalik baland bo‘lsa, glyukoza qon oqimiga tezroq kiradi va u keskin ko‘tariladi. Bu oziq-ovqatdan keyin bir necha soat o‘tgach, odam yana ochlikni his qilishiga zamin hozirlaydi. O‘z navbatida me’yordan ko‘p ovqatlanish muqarrar ortiqcha vaznga yetaklaydi.

Darvoqe, nonning glikemik indeksi shakarnikidan ham yuqori!

Mutaxassisning qayd etishicha, hozir ko‘pchilik odamlarga shakarning bunday yuqori dozalari kerak emas, chunki bizning ishimiz va turmush tarzimiz asosan o‘tirish bilan o‘tadi va harakatsiz hamdir. Ko‘pchilik bir kunda non mahsulotlarini iste’mol qilish natijasida olingan kaloriyalarni sarflashga vaqtlari yo‘q. Bir bo‘lak nonni energiyasini sarflash uchun sport zalida kamida bir soat jismoniy faollik kerak bo‘ladi. Ammo ko‘pchiligimiz hali ham har bir taomga nonni hamroh qilamiz.

Shifokor, shuningdek, agar nondan voz kechishingiz qiyin bo‘lsa, unda bu shunchaki odat masalasidir. Bemorlar har kuni mutaxassis huzurida bo‘lganida ular hamma narsadan, hatto, shirinliklardan ham voz kechishlari mumkinligini aytadilar, lekin non borasida esa qat’iy qaror qabul qila olmaydi. Diyetolog  ularga kun bo‘yi zarur bo‘lgan yetarli miqdordagi kaloriya olish uchun diyetani qayta ko‘rib chiqishni maslahat beradi.

Parhezshunoslar oq unli nonni bolalikdan bizga tanish bo‘lgan javdar yoki butun donli non bilan almashtirishni maslahat beradi.