Amerikalik xonanda Teylor Svift gastrolida ishlayotgan jamoasiga 55 mln dollar to‘ladi 

Amerikalik xonanda o‘zining The Eras Tour gastrol safarida o‘ziga hamrohlik qilgan jamoaga 55 million dollar to‘ladi. Bu haqda “Korrespondent.net” xabar bermoqda.

Xonanda raqqosalar, montaj bo‘yicha mutaxassislar, ovoz operatorlari, yordamchilari hamda yuk mashinalari haydovchilariga shuncha pul ajratgan. Ma’lum qilinishicha, 50 nafar yuk mashinasi haydovchisi 100 ming dollardan pul olgan.

Svift Kaliforniyadagi SoFi stadionida 70 mingdan ortiq muxlisi oldida chiqishdan oldin ijodiy jamoasiga pul tarqatgan.
Shu tarzda Teylorning gastrol safari tarixdagi eng ko‘p daromad keltirgan tur nomiga nomzodlik qilmoqda. Gastrol safarlari yarim milliard dollardan ko‘proq daromad keltirgan.  

Xonandaning shousiga boshqa yulduzlar ham tashrif buyurgan. Ularning orasida Dryu Berrimor, Kara Delevin, Jidji Xadid, Selena Gomes, Emma Stoun va Riz Uizerspun ham bor.