Davron Nazarmuhamedov ichki ishlar vaziri o‘rinbosarligiga qaytdi
O‘zbekiston prezidentining qaroriga asosan general-mayor Davron Nazarmuhamedov ichki ishlar vaziri o‘rinbosari — Maʼnaviy-maʼrifiy ishlar va kadrlar bilan taʼminlash departamenti boshlig‘i lavozimiga tayinlandi. Bu haqda IIV matbuot xizmati xabar berdi.
Davron Nazarmuhamedov 2014-yil sentabridan 2015-yil iyunigacha ichki ishlar vazirining birinchi o‘rinbosari lavozimida faoliyat yuritgan. 2015-yilning aprelida u O‘zbekiston prezidentining tashkiliy-kadrlar masalalari bo‘yicha Davlat maslahatchisi etib tayinlangan va 2017-yilda yana vazir o‘rinbosarligiga qaytgandi. 2019-yil iyundan shu kungacha Xorazm viloyati IIBni boshqarib kelayotgan edi.
Bunga qadar ichki ishlar vaziri o‘rinbosari — Ma’naviy-ma’rifiy ishlar va kadrlar bilan ta’minlash departamenti boshlig‘i lavozimida ishlab kelgan general-mayor Azizbek Ikramov iyul oxirlarida Farg‘ona viloyati ichki ishlar boshqarmasi boshlig‘i etib tayinlangandi.
