Janubiy Koreya prezidenti Yaponiya va AQSH bilan yaqindan yadroviy ma’lumotlar almashishga chaqirdi
Janubiy Koreya KXDR tahdidi tufayli Yaponiya va AQSH bilan yadro hamda raketa ma’lumotlarini yaqindan almashishga harakat qilishi kerak. Janubiy Koreya prezidenti Yun Sok Yol shunday chaqiriq bilan chiqdi, deb yozmoqda Nikkei Asia.
Yun Sok Yol Janubiy Koreya, Yaponiya va AQSH umumiy qadriyatlarga ega ekanini ta’kidlab, ushbu mamlakatlar yadroviy qurolga egalik qiluvchi Shimoliy Koreyaning tahdidiga qarshi kurashish uchun birgalikda ish olib borishi zarurligini qo‘shimcha qildi.
Shuningdek, u Seulning sezilarli darajada rivojlanishi va farovonlikka erishishida Vashington bilan yaqinlikning rolini ham qayd etdi.
Xabarga ko‘ra, mudofaa sohasidagi hamkorlikni kuchaytirish muhokamasi shu hafta o‘tkaziladigan uch tomonlama sammit kun tartibiga kiritilishi mumkin. Yadro va raketa qurollari almashinuvining amalga oshirilishi Yaponiya va Janubiy Koreya o‘rtasidagi harbiy hamkorlikning sezilarli darajada kuchayishini ko‘rsatadi, deyiladi maqolada.
Avvalroq Janubiy Koreya mudofaa vaziri qurol-yarog‘ bo‘yicha hamkorlikni oshirish uchun O‘zbekistonga kelgani xabar qilingandi.
