AQSHda qutqaruv vertolyoti uy ustiga qulab tushdi, qurbonlar bor (video)
AQSHning Florida shtatida qutqaruv vertolyoti turar joy binosi ustiga qulab tushdi. Hodisa oqibatida ikki kishi halok bo‘ldi, to‘rt kishi jarohatlandi, deb yozmoqda New York Post.
Qayd etilishicha, voqea 28-avgust kuni ertalab Pompano-Bichda, vertolyot xizmat chaqiruvi bilan uchib kelganida sodir bo‘lgan.
Brovard okrugi sherifining yong‘in va qutqaruv xizmati shifokori, 50 yoshli kapitan Terrison Jekson hamda vertolyot qulagan uyning bekasi halok bo‘lgan.
Yaradorlar, jumladan, ikki o‘t o‘chiruvchi va ikki aholi vakili kasalxonaga yotqizilgan. Ularning hayotiga hech qanday tahdid yo‘q.
Halokat sabablari o‘rganilmoqda.
Avval Michigan shtatidagi aviashouda MiG-23 qiruvchi samolyoti manyovr paytida halokatga uchragandi. Samolyot uchuvchisi va yo‘lovchisi omon qolgan, ular katapulta vositasida irg‘ib chiqib, parashyut bilan sakrashga muvaffaq bo‘lgan. Samolyotning o‘zi turar joy yaqinidagi avtoturargohga qulagan.
Iyul oxirida Gretsiyada o‘rmon yong‘inlarini o‘chirayotgan samolyot halokatga uchragan.
