Yaponiyalik olimlar keksayganda olinadigan yangi bilim va ko‘nikmalar insonni demensiyadan himoya qilishini aniqladi
Yaponiyalik olimlar tadqiqot davomida agar inson 40 yoshdan keyin yangi narsalarni o‘rganishda davom etsa, unda demensiya rivojlanish ehtimoli kamayishini aniqladi. Tadqiqotlar 40 yoshdan 70 yoshgacha bo‘lgan 280 mingdan ortiq kishi ishtirokida o‘tkazildi.
Tadqiqot davomida har bir bemordagi miya faoliyatining buzilishi bilan bog‘liq yosh o‘tishi bilan yuzaga keladigan kasalliklarning rivojlanish xavfi o‘rganildi va har bir bemorning shaxsiy rivojlanish dasturlarida qatnashgan-qatnashmagani qayd etildi.
Bemorlar biror-bir holatga nisbatan reaksiya bildirishga va diqqatni jamlashga yordam beradigan maxsus testlardan o‘tkazildi. To‘rt yillik sinov davrida subyektlarning faqat bir foizida demensiya rivojlandi. Yangi bilim olishni davom ettirgan ishtirokchilar orasida demensiya rivojlanish ehtimoli deyarli 20 foizga kamaydi. Shuningdek, aytib o‘tish kerakki, ertalab nonushta qilmaslik ham demensiya xavfini kuchaytirishi mumkin.
