Chustda bolalarning ommaviy zaharlanishi ortidan sog‘liqni saqlash vaziri o‘rinbosari Elmira Bositxonova ishdan olingani haqidagi xabarlar yuzasidan izoh berildi

Tarmoqlarda Namangan viloyatining Chust tumanidagi bolalar bog‘chalarida tarbiyalanuvchi bolalarning ommaviy zaharlanishi ortidan sog‘liqni saqlash vaziri o‘rinbosari Elmira Bositxonova ishdan olingani haqida xabarlar tarqaldi.

Holat yuzasidan Sog‘liqni saqlash vaziriligi axborot xizmati rahbari Furqat Sanayev “Daryo”ga izoh berdi.

“Elmira Bositxonova ayni paytda Namangan viloyatida. Bunday maʼlumotni eshitmadim”, – deya javob berdi Furqat Sanayev.

Elmira Bositxonova vazir o‘rinbosari sifatida onalik va bolalikni muhofaza qilish va murojaatlar bilan ishlash sektoriga masʼul hisoblanadi. U 2020-yildan buyon sog‘liqni saqlash vaziri o‘rinbosari sifatida ishlab kelmoqda.