Toshkentda 15 yoshli qiz vafot etdi. Bosh prokuratura o‘lim sababini ma’lum qildi
Toshkent shahar Mirobod tumanida 15 yoshli qiz vafot etdi. Holat yuzasidan Bosh prokuratura “Daryo”ga ma’lumot berdi.
Unga ko‘ra, 2023-yilning 28-sentyabr kuni Mirobod tumani, Katta Mirobod ko‘chasida yashagan 2008-yilda tug‘ilgan voyaga yetmagan M.A. vafot etgan. Sud-tibbiyot ekspertizasining dastlabki ma’lumotnomasiga ko‘ra, marhumaning o‘limiga “noma’lum etiologiyali moddadan zaharlanish” sabab bo‘lgan.
Mirobod tuman prokuraturasi tomonidan tergovga qadar tekshiruv harakatlari olib borilmoqda.
Ma’lumot tariqasida keltirilishicha, 2023-yilning sentyabr boshida uning onasi farzandi yashash xonadonidan noma’lum tomonga chiqib ketganini, muqaddam ham bu holat bir necha bor takrorlanganini ma’lum qilib, farzandini topib berilishida amaliy yordam so‘ragan.
