Shvetsiya terma jamoasi ustozi Bryusseldagi voqea haqida: “Jin ursin! Qanday dunyoda yashayapmiz?”
Shvetsiya terma jamoasi bosh murabbiyi Yanne Andersson Belgiyaga qarshi uchrashuv to‘xtatilganiga izoh berdi.
Voqea haqida tanaffus vaqtida, kiyim almashtirish xonasiga yo‘l olayotganda eshitdim. Bizning qarorimiz xuddi belgiyaliklarniki singari aniq edi: biz davom eta olmasdik.
Bu juda jirkanch. Qayg‘udaman. Bu haqiqiy tragediya. Qanaqa dunyoda yashayapmiz? Jin ursin!
Bunaqa narsalar sodir bo‘lib turganda, futbol o‘ynash xayolga sig‘maydi. Buni futbolchilarga yetkazdim va ular rozi bo‘ldi. Belgiya terma jamoasi ham bunga qo‘shildi. Biz futbol o‘ynamaymiz. Bunday narsa qayta sodir bo‘lmasligiga umid qilamiz.
Yanne Andresson, Shvetsiya terma jamoasi bosh murabbiyi
Yevro—2024 saralashidan o‘rin olgan uchrashuv Bryusselda shvetsiyalik ikki nafar muxlis otib ketilgani tufayli to‘xtatildi. Qotil voqea joyidan yashiringan. Keyinchalik ijtimoiy tarmoqqa video joylab, o‘zini ISHID a’zosi ekanligini aytib o‘tgan.
