Instagram: Muxlisasiga 19 ming dollarlik uzuk hadya qilgan Maryam Tillayeva, unashtirilgan Shahlo Alijonova va o‘g‘illari mashina sovg‘a qilgan Dilfuza Ismoilova
Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Alisher Uzoqov kuzatuvchilariga bolalikdagi orzusi ushalgani haqida so‘zlab berdi. Aktyor “Arsenal” futbol klubining Londonda joylashgan stadioniga bordi.
O‘zbek milliy akademik drama teatri aktyori Rixsitilla Abdullayev bolaligida ota-onasi bilan Leningradga borgani aks etgan suratni sahifasiga joyladi.
Aktyor Azamat Ahrorov uchinchi farzandi Abubakrni tug‘uruqxonadan olib chiqish jarayoni aks etgan videoni sahifasiga joyladi.
Vayner Bobur Mansurov jamoadoshlari bilan tushgan suratini sahifasiga joylab, do‘stlari bilan boshdan kechirgan kunlari haqida so‘zlab berdi.
Janob Rasul taniqli rossiyalik jurnalist Andrey Malaxovning ko‘rsatuvida ishtirok etdi
Ozodbek Nazarbekov kenja o‘g‘li Umarni tug‘ilgan kuni bilan tabrikladi.
Yulduz Rajabova soch turmagini o‘zgartirgani aks etgan surat bilan bo‘lishdi. Aktrisaning kuzatuvchilari uni turk aktrisalariga taqlid qilganlikda aybladi. Yulduz xeyterlarga javoban u hech kimga o‘xshashga harakat qilmasligini yozib qoldirdi.
Komik aktrisa Shahlo Alijonova fotiha to‘yi aks etgan videoni sahifasiga joylashtirdi
Aktyor Alixan “So‘nggi zarba” deb nomlangan filmda rol ijro etmoqda.
Dilfuza Ismoilovaga o‘g‘illari Sardor va Sarvar qimmatbaho avtomobil sovg‘a qildi. Xonanda quvonchini muxlislari bilan baham ko‘rdi.
Xonanda Shahzoda uzoq yillik do‘sti Davron Muqimovni tug‘ilgan kuni bilan ta’sirli tarzda tabrikladi.
Maryam Tillayeva Amiran Sardarov bilan ajrashgani munosabati bilan Toshkentda kuzatuvchilari uchun katta bayram tashkillashtirdi. Ushbu kechada u muxlislaridan biriga Bulgari brendining 19 ming dollarlik uzugini sovg‘a qildi.
