Sobiq UFC chempioni: “Islom Maxachev superyulduz bo‘lishni istasa, Konor Makgregor bilan jang qilishi kerak”
Sobiq UFC chempioni Daniel Kormye Islom Maxachev oktagonda Konor Makgregorga qarshi jang qilishi kerakligi haqida gapirdi.
“Menimcha, Islom Konor bilan jang qilishi kerak. Chunki... Eshiting. Bu UFC uchun ham juda katta daromad qilish imkoniyati bo‘ladi. Nega endi bunday bo‘lmasligi kerak?
Islom Maxachev superyulduz darajasiga chiqishi uchun uni ko‘taradigan inson kerak. Konor Makgregor esa aynan o‘sha inson”, — deydi Daniel Kormye.
Islom Maxachev UFC 294 turnirida Aleksandr Volkanovskini mag‘lub etdi va P4P reytingida 2-o‘ringa ko‘tarilib oldi.
Makgregor esa so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi. Shundan buyon irlandiyalik jangchi hali oktagonga qaytgani yo‘q.
