AQSH G‘azo sektorida Isroilning quruqlikdagi operatsiyasi boshlangani haqidagi xabarlarga izoh berishni istamadi

Oq uy Milliy xavfsizlik kengashi qoshidagi strategik aloqalar bo‘yicha koordinator Jon Kirbi hozirda G‘azo sektorida quruqlikdagi harbiy amaliyotlar ko‘lami kengaygani haqidagi xabarlarga izoh berishni o‘rinli deb hisoblamaydi. Bu haqda u onlayn brifingda aytib o‘tdi.

“Men OAVda Isroil armiyasi operatsiyalari haqidagi xabarlarni ko‘rdim va men ular nima qilayotgani va qanday qilib amalga oshirayotgani, operatsiya samara beradimi yoki yo‘qmi — gapirishni istamayman. Bu haqda faqat Isroil armiyasi gapirishi kerak”, dedi u.

Kirbining qo‘shimcha qilishicha, Qo‘shma Shtatlar G‘azo sektoriga “katta hajmdagi yoqilg‘i” yetkazib berish bo‘yicha hamkorlar qidirmoqda.